Jambyl oblysynda senip tapsyrylǵan 17 bas jylqyny iemdenip ketken kúdikti ustaldy, dep habarlaidy ult.kz.
Oblystyq politsiia departamentiniń málimetinshe, Shý aýdandyq politsiia bólimine jergilikti turǵyn aryzdanǵan. Onyń aitýynsha, ózine tiesili 17 bas jylqy sharýa qojalyǵynyń jaiylymynan joǵalyp ketken.
Atalǵan derek boiynsha Qylmystyq kodekstiń 189-baby 3-bóliginiń 1-tarmaǵy («Senip tapsyrylǵan bóten múlikti iri mólsherde iemdený nemese ysyrap etý») boiynsha sotqa deiingi tergep-tekserý bastaldy.
Tergeý barysynda jábirlenýshiniń birneshe jyldan beri jylqylaryn baǵýdy tanysyna senip tapsyrǵany anyqtalǵan. Alaida kúdikti maldy zańsyz iemdenip ketken degen boljam bar.
Jedel-izdestirý sharalarynyń nátijesinde politsiia qyzmetkerleri 28 jastaǵy kúdiktini Taraz qalasynan anyqtap, ustady. Sot sanktsiiasymen ol ýaqytsha ustaý izoliatoryna qamaldy.
Quqyq qorǵaý organdarynyń qabyldaǵan sharalary nátijesinde jymqyrylǵan 17 jylqy tabylyp, zańdy iesine qaitaryldy.
Qazirgi ýaqytta qylmystyq is boiynsha barlyq mán-jaidy anyqtaýǵa baǵyttalǵan tergeý amaldary jalǵasyp jatyr.
Politsiia azamattardy mal-múliktiń saqtalýyna jaýapkershilikpen qarap, onyń qaýipsizdigin qamtamasyz etý úshin qajetti aldyn alý sharalaryn qabyldaýǵa shaqyrdy.
