جامبىل وبلىسىندا سەنٸپ تاپسىرىلعان 17 باس جىلقىنى يەمدەنٸپ كەتكەن كٷدٸكتٸ ۇستالدى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, شۋ اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانعان. ونىڭ ايتۋىنشا, ٶزٸنە تيەسٸلٸ 17 باس جىلقى شارۋا قوجالىعىنىڭ جايىلىمىنان جوعالىپ كەتكەن.
اتالعان دەرەك بويىنشا قىلمىستىق كودەكستٸڭ 189-بابى 3-بٶلٸگٸنٸڭ 1-تارماعى («سەنٸپ تاپسىرىلعان بٶتەن مٷلٸكتٸ ٸرٸ مٶلشەردە يەمدەنۋ نەمەسە ىسىراپ ەتۋ») بويىنشا سوتقا دەيٸنگٸ تەرگەپ-تەكسەرۋ باستالدى.
تەرگەۋ بارىسىندا جەبٸرلەنۋشٸنٸڭ بٸرنەشە جىلدان بەرٸ جىلقىلارىن باعۋدى تانىسىنا سەنٸپ تاپسىرعانى انىقتالعان. الايدا كٷدٸكتٸ مالدى زاڭسىز يەمدەنٸپ كەتكەن دەگەن بولجام بار.
جەدەل-ٸزدەستٸرۋ شارالارىنىڭ نەتيجەسٸندە پوليتسييا قىزمەتكەرلەرٸ 28 جاستاعى كٷدٸكتٸنٸ تاراز قالاسىنان انىقتاپ, ۇستادى. سوت سانكتسيياسىمەن ول ۋاقىتشا ۇستاۋ يزولياتورىنا قامالدى.
قۇقىق قورعاۋ ورگاندارىنىڭ قابىلداعان شارالارى نەتيجەسٸندە جىمقىرىلعان 17 جىلقى تابىلىپ, زاڭدى يەسٸنە قايتارىلدى.
قازٸرگٸ ۋاقىتتا قىلمىستىق ٸس بويىنشا بارلىق مەن-جايدى انىقتاۋعا باعىتتالعان تەرگەۋ امالدارى جالعاسىپ جاتىر.
پوليتسييا ازاماتتاردى مال-مٷلٸكتٸڭ ساقتالۋىنا جاۋاپكەرشٸلٸكپەن قاراپ, ونىڭ قاۋٸپسٸزدٸگٸن قامتاماسىز ەتۋ ٷشٸن قاجەتتٸ الدىن الۋ شارالارىن قابىلداۋعا شاقىردى.
