2021 jyly 16 qazaqstandyq jynystyq quldyq qurbany bolǵan. Bul týraly QR IIM uiymdasqan qylmysqa qarsy kúres departamenti basshysynyń adam saýdasyna qarsy kúres jónindegi orynbasary Shynar Kósherbaeva aitty, dep habarlaidy QazAqparat.
«2021 jylǵy statistikaǵa súiensek, jynystyq quldyqtyń 16 qurbany anyqtalǵan, 2020 jyly – 67, al 2019 jyly – 35 adam bolǵan. Azamattardy shetelge shyǵarý faktileriniń biri – Bahrein. Sońǵy jyly Túrkiiaǵa, BAÁ-ge shyǵarý da kezdesedi, biraq negizinen ishki trafik basym», - dedi Shynar Kósherbaeva Ortalyq kommýnikatsiialar qyzmetinde ótken baspasóz máslihatynda.
Sonymen birge, spikerdiń aitýynsha, biyl eńbekke májbúrleý faktileri boiynsha bes qylmystyq is qozǵalǵan, olardyń barlyǵy tergeý satysynda tur. 2020 jyly – 21 adam, 2021 jyly – tórt adam eńbek qanaýynyń qurbany bolǵan.
