2021 جىلى 16 قازاقستاندىق جىنىستىق قۇلدىق قۇربانى بولعان. بۇل تۋرالى قر ٸٸم ۇيىمداسقان قىلمىسقا قارسى كٷرەس دەپارتامەنتٸ باسشىسىنىڭ ادام ساۋداسىنا قارسى كٷرەس جٶنٸندەگٸ ورىنباسارى شىنار كٶشەرباەۆا ايتتى, دەپ حابارلايدى قازاقپارات.
«2021 جىلعى ستاتيستيكاعا سٷيەنسەك, جىنىستىق قۇلدىقتىڭ 16 قۇربانى انىقتالعان, 2020 جىلى – 67, ال 2019 جىلى – 35 ادام بولعان. ازاماتتاردى شەتەلگە شىعارۋ فاكتٸلەرٸنٸڭ بٸرٸ – باحرەين. سوڭعى جىلى تٷركيياعا, باە-گە شىعارۋ دا كەزدەسەدٸ, بٸراق نەگٸزٸنەن ٸشكٸ ترافيك باسىم», - دەدٸ شىنار كٶشەرباەۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, سپيكەردٸڭ ايتۋىنشا, بيىل ەڭبەككە مەجبٷرلەۋ فاكتٸلەرٸ بويىنشا بەس قىلمىستىق ٸس قوزعالعان, ولاردىڭ بارلىعى تەرگەۋ ساتىسىندا تۇر. 2020 جىلى – 21 ادام, 2021 جىلى – تٶرت ادام ەڭبەك قاناۋىنىڭ قۇربانى بولعان.
