Kaspii teńizindegi áskeri oqý-jattyǵý kezinde 14 áskeri qyzmetshiniń qaza bolýyna bailanysty kúdikke ilinip, qamaýǵa alynǵan Áskeri-teńiz kúshteri qolbasshysynyń birinshi orynbasary – shtab bastyǵy Daniiar Hairýshevtiń ata-anasy Memleket basshysy Qasym-Jomart Toqaevqa úndeý joldady, dep habarlaidy ult.kz.
Áskeri basshynyń ata-anasy marqum sarbazdardyń otbasyna kóńil aitty.
“Sizderdiń qaiǵylaryńyzdy túsinemiz. Ózimiz de osyndai qaiǵy-qasiretti bastan kshkenbiz. 2 ulymyzdan airylǵanbyz”, - deidi Hairýshevtiń anasy.
Olar tergeýdiń jan-jaqty, ádil ári obektivti júrgizilýin suraǵan.
Hairýshevtiń ata-anasy qaitys bolǵan áskeri qyzmetshilerdiń jaqyndaryna kóńil aityp, olardyń qaiǵysyna ortaq ekenin jetkizdi.
Aita keteiik, Kaspiidegi qaiǵyly oqiǵadan keiin ustalǵan Áskeri-teńiz kúshteri bas qolbasshysynyń birinshi orynbasary Daniiar Hairýshevtiń áieli áleýmettik jelide málimdeme jasady.
Ol tergeý aiaqtalmai turyp kúieýin kináli dep ataýǵa bolmaitynyn aityp, isti ádil ári obektivti qaraýdy surady.
«Meniń kúieýim kináli emes. Ol búkil ómirin Otanǵa qyzmet etýge arnady jáne osy jyldar boiy óz mindetin abyroimen atqardy. Ony bireýdiń sózi men joramaldaryna súienip aiyptamai, aldymen óz ýájin aitýǵa múmkindik berý kerek.
Men erekshe qarym-qatynas suramaimyn. Tek ádil ári obektivti tergeý júrgizilýin qalaimyn. Eger oǵan qatysty qandai da bir talap nemese aiyp bolsa, ol naqty aitylyp, faktilermen rastalýy kerek.
Barlyq mán-jai anyqtalǵanǵa deiin asyǵys qorytyndy jasamaýdy, onyń ar-namysy men qadir-qasietine nuqsan keltirmeýdi jáne ony kináli dep atamaýdy suraimyn. Biz ashyq áńgimege daiynbyz, biraq ol qurmet pen zań talaptary aiasynda júrgizilýi kerek», – dep jazdy ol.
Sonymen qatar, onyń qyzy da el aldyna shyǵyp, ákesin aldyn ala kiálamaýdy suraǵan edi.
