Foto: Zakon.kz
14 naýryz kúni Qazaqstanda jalpyulttyq Naýryznama onkúndigi bastalady. Biyl máni tereń Naýryz merekesi erekshe atalyp ótedi, dep habarlaidy Ult.kz.
2024 jyly Memleket basshysy Qasym-Jomart Toqaevtyń bastamasymen Naýryz meiramyn toilaýdyń jańa formaty – Naýryznama onkúndigi, sondai-aq merekeniń jańa logotipi bekitildi.
«Naýryz» biryńǵai logotipindegi úsh qyzǵaldaq – ýaqyttyń úsh kezeńin, iaǵni elimizdiń keshegi tarihyn, qazirgi damýyn jáne keleshek baǵdaryn beineleidi.
Tarihi turǵydan, Naýryznama – myńjyldyqtardan bastaý alatyn halqymyzdyń mádeni murasy.
Osy rette ulttyq rýhani qundylyqtarǵa negizdelgen 14-23 naýryz kúnderi aralyǵyndaǵy ár kúndi qazaqtyń salt-dástúrimen, ulttyq bolmysyn ashyp kórsetýge baǵyttalǵan «Naýryznama» tujyrymdamasy ázirlenip, bekitilgen.
14 naýryz – «Kórisý» kúni – Amal merekesi, halyq qystan aman-esen shyǵyp, týǵan-týystarǵa, kórshilerge, jasy úlken kisilerge sálem berip, kórisedi.
15 naýryz – «Qaiyrymdylyq kúni», bul kúni oblys kóleminde igi ister marafondary uiymdastyrylady.
16 naýryz – «Mádeniet jáne ulttyq salt-dástúr kúni», bul kún - mádenietimiz, tarihymyz ben ulttyq qundylyqtarymyz dáripteletin kún.
17 naýryz – «Shańyraq kúni». «Analar keńesiniń» kezdesýleri, kelinder baiqaýy, ulttyq pedagogika jáne otbasy institýtyn nyǵaitýǵa baǵyttalǵan sharalary ótkiziledi.
18 naýryz – «Ulttyq kiim kúni», bul kúni qazaqtyń ulttyq kiimderin nasihattaýǵa baǵyttalǵan sándi kiimder kórsetilimi men festivalder uiymdastyrý, tanymal mádeniet qairatkerleri, ártister, sportshylardyń qatysýymen «Ulttyq kiim kúni» chellendji josparlanǵan.
19 naýryz – «Jańarý kúni», bul kún «jańa kóshetter – jańa ideialar – memleket damýyndaǵy jańa kezeń» degen mánge negizdelgen. Barlyq aýmaqtar, joldardy tazartý jumystary júrgiziledi.
20 naýryz – «Ulttyq sport kúni», bul kúni oblystyq dene shynyqtyrý jáne sport basqarmasy, qala jáne aýdan ákimdikterimen ulttyq sport túrleri (qazaq kúresi, arqan tartý, qol kúres, gir kóterý, asyq atý, láńgi tebý, qoshqar kóterý) boiynsha jarystar, týrnirler ótkiziledi.
21 naýryz – «Yntymaq kúni», bul kúni respýblikalyq jalpyulttyq telemarafon uiymdastyrylady. Ózge ult ókilderiniń qatysýymen «Qosh keldiń, áz-Naýryz!» kontserttik baǵdarlamasy, kezdesýler, dóńgelek ústelder uiymdastyrylatyn bolady.
22 naýryz – «Jyl basy – Naýryznama kúni», bul Naýryz meiramy keń kólemde atalyp ótiledi. Negizgi shara ótetin oryn – «Qazaq halqyna myń alǵys» alańy. Bul kúni halyqtyq serýen, teatrlandyrylǵan kórinister, kontserttik baǵdarlamalar, ulttyq sport oiyn túrleri, etnografiialyq buiymdardyń, qolóner sheberleriniń kórmesi uiymdastyrylady. Kiiz úiler tigiledi.
23 naýryz – «Tazartý kúni», bul kúni oblys qala jáne aýdandarda jańa jyldy jańa maqsat, jańa úmitpen qarsy alýdyń simvoly retinde jalpyulttyq ekologiialyq aktsiia ótkizý, «Tazalyq estafetasy» aiasynda aryqtardy, aýlalardy qardan, qoqystan, merekeden keiingi qaldyq zattardan tazalaý jumystary júrgiziledi.
Qazaq mádenietinde Naýryzdy toilaý dástúri eshqashan bir kúnmen shektelmegen. Eger Naýryz Ortalyq Aziiada, Taiaý Shyǵysta, Kavkazda, Balqan elderinde halyqaralyq deńgeide atalyp ótetin meiram bolsa, onda Naýryznama – keminde 8 kúnge sozylatyn Uly dalanyń halyqtyq merekesi.
Bul týraly kezinde Abai Qunanbaiuly, belgili etnograf-ǵalym Máshhúr Júsip Kópeiuly jazǵan.
