"Fergana.rý" agenttiginiń habarlaýynsha, keshe Tashkent qalasynda Ózbekstan prezidenti Islam Karimov 79 jasqa aýǵan shaǵynda ómirden ozdy. Ol jergilikti ýaqyt boiynsha saǵat 15-16.00 aralyǵynda kóz jumǵan dep jazylady.
Alaida resmi bul aqparatty bilik ókilderi de, quziretti organdar da rastamai otyr. "RIA Novosti"-diń prezident apparatyndaǵy arnaiy ókili de habardy joqqa shyǵardy. "Karimov ólimi jaily aqparat shyndyqqa janaspaidy. Prezident jansaqtaý bóliminde. Jaǵdai áli birqalypty", - deidi ol.
Aita keteiik, birneshe saǵat buryn basshynyń kenje qyzy feisbýktegi paraqshasynda jazbasha úndeý jariialaǵan bolatyn.
Óz sózinde ol: "Qate túsinikter bolyp qalmaýy úshin osynda, óz paraqshamda ótken demalys kúnderi ákeme qatysty bolǵan qaiǵyly oqiǵany aityp bergim keledi. Senbi kúni onyń miyna qan ketkendikten, aýrýhananyń jansaqtaý bóliminde jatyr. Onyń jaǵdaiy turaqty dep baǵalanyp otyr. Qazirgi ýaqytta onyń aldaǵy jaǵdaiyna qatysty qandai da bir boljam aitý qiyn. Adamdarǵa ótinishimdi aitqym keledi, túrli qaýesetterge senbei, januianyń jeke keńistigine qol suqpaýlaryńyzdy suraimyn. Niet etip, ákeme duǵa-tilekter aitqandarǵa alǵysym sheksiz", - deidi.
Ult portaly
