"فەرگانا.رۋ" اگەنتتٸگٸنٸڭ حابارلاۋىنشا, كەشە تاشكەنت قالاسىندا ٶزبەكستان پرەزيدەنتٸ يسلام كاريموۆ 79 جاسقا اۋعان شاعىندا ٶمٸردەن وزدى. ول جەرگٸلٸكتٸ ۋاقىت بويىنشا ساعات 15-16.00 ارالىعىندا كٶز جۇمعان دەپ جازىلادى.
الايدا رەسمي بۇل اقپاراتتى بيلٸك ٶكٸلدەرٸ دە, قۇزٸرەتتٸ ورگاندار دا راستاماي وتىر. "ريا نوۆوستي"-دٸڭ پرەزيدەنت اپپاراتىنداعى ارنايى ٶكٸلٸ دە حاباردى جوققا شىعاردى. "كاريموۆ ٶلٸمٸ جايلى اقپارات شىندىققا جاناسپايدى. پرەزيدەنت جانساقتاۋ بٶلٸمٸندە. جاعداي ەلٸ بٸرقالىپتى", - دەيدٸ ول.
ايتا كەتەيٸك, بٸرنەشە ساعات بۇرىن باسشىنىڭ كەنجە قىزى فەيسبۋكتەگٸ پاراقشاسىندا جازباشا ٷندەۋ جارييالاعان بولاتىن.
ٶز سٶزٸندە ول: "قاتە تٷسٸنٸكتەر بولىپ قالماۋى ٷشٸن وسىندا, ٶز پاراقشامدا ٶتكەن دەمالىس كٷندەرٸ ەكەمە قاتىستى بولعان قايعىلى وقيعانى ايتىپ بەرگٸم كەلەدٸ. سەنبٸ كٷنٸ ونىڭ ميىنا قان كەتكەندٸكتەن, اۋرۋحانانىڭ جانساقتاۋ بٶلٸمٸندە جاتىر. ونىڭ جاعدايى تۇراقتى دەپ باعالانىپ وتىر. قازٸرگٸ ۋاقىتتا ونىڭ الداعى جاعدايىنا قاتىستى قانداي دا بٸر بولجام ايتۋ قيىن. ادامدارعا ٶتٸنٸشٸمدٸ ايتقىم كەلەدٸ, تٷرلٸ قاۋەسەتتەرگە سەنبەي, جانۇيانىڭ جەكە كەڭٸستٸگٸنە قول سۇقپاۋلارىڭىزدى سۇرايمىن. نيەت ەتٸپ, ەكەمە دۇعا-تٸلەكتەر ايتقاندارعا العىسىم شەكسٸز", - دەيدٸ.
ۇلت پورتالى
