Germaniianyń Shtýtgart qalasynan Venaǵa baǵyt alǵan Eurowings áýe kompaniiasynyń ushaǵy naizaǵai soqqannan keiin ushyp shyqqan áýejaiyna qaita oralýǵa májbúr boldy, dep habarlaidy ult.kz.
Bul týraly nemistiń Bild basylymy jazdy.
Oqiǵa 30 shildede bolǵan. Airbus A320 áýede ushyp bara jatqan kezde oǵan naizaǵai túsken. Ushaq bortynda 106 jolaýshy men ekipaj múshesi bolǵan.
Qaýipsizdik maqsatynda ushqyshtar ushaqty keri buryp, Shtýtgart áýejaiyna qaitý týraly sheshim qabyldaǵan. Áýe kemesi ushyp shyqqannan keiin shamamen 40 minýt ótken soń áýejaiǵa aman-esen qonǵan.
Eurowings áýe kompaniiasy bul jaǵdai jolaýshylar men ekipaj músheleriniń qaýipsizdigine qaýip tóndirmegenin málimdedi. Qonǵannan keiin ushaqty tehnikalyq mamandar teksergen.
Jolaýshylar basqa reisterge aýystyryldy. Kompaniianyń habarlaýynsha, tehnikalyq tekserý aiaqtalǵan soń ushaqty sol kúnniń ishinde qaitadan turaqty reisterge shyǵar josparlanǵan.
