Búgingi kúni respýblika boiynsha 10 qalada atmosferalyq aýanyń lastaný indeksi joǵary. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev ekologiia máseleleri jónindegi Qoǵamdyq keńes aldyndaǵy eseptik kezdesýde málim etti, dep habarlaidy "Ult aqparat".
Jiyn barysynda 2020 jylǵy qyzmet qorytyndylary men orta merzimdi kezeńdegi negizgi mindetter talqylandy.
«Qazaqstanda atmosferaǵa ziiandy zattardy kóp shyǵaryp otyrǵan 8-10 Jylý elektr ortalyǵy bar jáne 4-5 iri kásiporyn jumys istep tur. Barlyq kúsh-jigerdi solarǵa baǵyttaý kerek. Osy baǵytta keshendi sharalardy aiqyndap ta qoidyq», - dedi ministr.
Myrzaǵaliev atap ótkendei, Qazaqstanda 2 mlrd aǵash otyrǵyzý, sýarmaly jerlerdiń kólemin ulǵaitý sharalary qarastyrylyp jatyr.
El ekologiiasyn damytý, tabiǵatty jáne janýarlar dúniesin qorǵaý boiynsha 2020 jyly ministrlik úlken jumystar iske asyrylǵany jetkizildi. Dese de, qoǵam ókilderimen birlesip atqaratyn jumystardyń da jetkilikti ekeni tilge tiek etildi.
«Búgingi kúni respýblika boiynsha 10 qalada atmosferalyq aýanyń lastaný indeksi joǵary bolyp tabylady. Ol – Almaty, Temirtaý, Jezqazǵan, Óskemen, Nur-Sultan, Aqtóbe, Balqash, Qaraǵandy, Atyraý, Shymkent qalalary. Sondyqtan, biz 2020 jyly Ekologiialyq kodeksti jańa redaktsiiada qabyldadyq. 16 óńirde aimaqtardaǵy ekologiialyq ahýaldy jaqsartý jónindegi Jol kartalary bekitildi, Jaiyq ózeni basseininiń ekojúiesin saqtaý jáne qalpyna keltirý jónindegi Qazaqstan-Resei yntymaqtastyǵynyń baǵdarlamasyna qol qoiyldy», - dep atap ótti ministr.
