بٷگٸنگٸ كٷنٸ رەسپۋبليكا بويىنشا 10 قالادا اتموسفەرالىق اۋانىڭ لاستانۋ يندەكسٸ جوعارى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەكولوگييا مەسەلەلەرٸ جٶنٸندەگٸ قوعامدىق كەڭەس الدىنداعى ەسەپتٸك كەزدەسۋدە مەلٸم ەتتٸ, دەپ حابارلايدى "ۇلت اقپارات".
جيىن بارىسىندا 2020 جىلعى قىزمەت قورىتىندىلارى مەن ورتا مەرزٸمدٸ كەزەڭدەگٸ نەگٸزگٸ مٸندەتتەر تالقىلاندى.
«قازاقستاندا اتموسفەراعا زيياندى زاتتاردى كٶپ شىعارىپ وتىرعان 8-10 جىلۋ ەلەكتر ورتالىعى بار جەنە 4-5 ٸرٸ كەسٸپورىن جۇمىس ٸستەپ تۇر. بارلىق كٷش-جٸگەردٸ سولارعا باعىتتاۋ كەرەك. وسى باعىتتا كەشەندٸ شارالاردى ايقىنداپ تا قويدىق», - دەدٸ مينيستر.
مىرزاعاليەۆ اتاپ ٶتكەندەي, قازاقستاندا 2 ملرد اعاش وتىرعىزۋ, سۋارمالى جەرلەردٸڭ كٶلەمٸن ۇلعايتۋ شارالارى قاراستىرىلىپ جاتىر.
ەل ەكولوگيياسىن دامىتۋ, تابيعاتتى جەنە جانۋارلار دٷنيەسٸن قورعاۋ بويىنشا 2020 جىلى مينيسترلٸك ٷلكەن جۇمىستار ٸسكە اسىرىلعانى جەتكٸزٸلدٸ. دەسە دە, قوعام ٶكٸلدەرٸمەن بٸرلەسٸپ اتقاراتىن جۇمىستاردىڭ دا جەتكٸلٸكتٸ ەكەنٸ تٸلگە تيەك ەتٸلدٸ.
«بٷگٸنگٸ كٷنٸ رەسپۋبليكا بويىنشا 10 قالادا اتموسفەرالىق اۋانىڭ لاستانۋ يندەكسٸ جوعارى بولىپ تابىلادى. ول – الماتى, تەمٸرتاۋ, جەزقازعان, ٶسكەمەن, نۇر-سۇلتان, اقتٶبە, بالقاش, قاراعاندى, اتىراۋ, شىمكەنت قالالارى. سوندىقتان, بٸز 2020 جىلى ەكولوگييالىق كودەكستٸ جاڭا رەداكتسييادا قابىلدادىق. 16 ٶڭٸردە ايماقتارداعى ەكولوگييالىق احۋالدى جاقسارتۋ جٶنٸندەگٸ جول كارتالارى بەكٸتٸلدٸ, جايىق ٶزەنٸ باسسەينٸنٸڭ ەكوجٷيەسٸن ساقتاۋ جەنە قالپىنا كەلتٸرۋ جٶنٸندەگٸ قازاقستان-رەسەي ىنتىماقتاستىعىنىڭ باعدارلاماسىنا قول قويىلدى», - دەپ اتاپ ٶتتٸ مينيستر.
