Foto: Depositphotos.com
Nurlybek Nálibaev Almaty áýejaiyndaǵy qurylys jumystaryn aiaqtaýdyń naqty merzimin belgiledi, dep habarlaidy Ult.kz.
Almaty qalasyna jumys saparymen barǵan úkimet basshysynyń birinshi orynbasary áýejaidaǵy jańǵyrtý barysymen tanysty.
Onyń aitýynsha, Almaty halyqaralyq áýejaiyn jańartý – eldi Ortalyq Aziiadaǵy iri aviatsiialyq habqa ainaldyrýǵa baǵyttalǵan strategiialyq joba. Alaida qurylys qarqyny syn kótermeidi.
Nálibaev áýejai aýmaǵyndaǵy týristerge qolaisyzdyq týdyryp, qalanyń kelbetine nuqsan keltirip turǵan jumystardy 1 shildege deiin tolyq aiaqtaýdy tapsyrdy.
Sondai-aq ol halyqaralyq terminaldy jaqynda nóser jańbyrdan keiin sý basqanyn eske salyp, bul jaǵdai qoǵamda úlken rezonans týǵyzǵanyn atap ótti.
Vitse-premer qala ákimdigine jańǵyrtý jumystarynyń sapasy men merzimin qatań baqylaýǵa alýdy júktedi.
Aita keteiik, áýejaidy TAV Havalimanlari Holding basqarady. Byltyr jalpy quny 360 mln dollar bolatyn bes jyldyq damý jospary bekitilgen. Joba aiasynda terminaldardy jańartý, ushý-qoný jolaǵyn jóndeý, infraqurylymdy keńeitý, qonaq úi men parking salý kózdelgen.
