فوتو: Depositphotos.com
نۇرلىبەك نەلٸباەۆ الماتى ەۋەجايىنداعى قۇرىلىس جۇمىستارىن اياقتاۋدىڭ ناقتى مەرزٸمٸن بەلگٸلەدٸ, دەپ حابارلايدى Ult.kz.
الماتى قالاسىنا جۇمىس ساپارىمەن بارعان ٷكٸمەت باسشىسىنىڭ بٸرٸنشٸ ورىنباسارى ەۋەجايداعى جاڭعىرتۋ بارىسىمەن تانىستى.
ونىڭ ايتۋىنشا, الماتى حالىقارالىق ەۋەجايىن جاڭارتۋ – ەلدٸ ورتالىق ازيياداعى ٸرٸ اۆياتسييالىق حابقا اينالدىرۋعا باعىتتالعان ستراتەگييالىق جوبا. الايدا قۇرىلىس قارقىنى سىن كٶتەرمەيدٸ.
نەلٸباەۆ ەۋەجاي اۋماعىنداعى تۋريستەرگە قولايسىزدىق تۋدىرىپ, قالانىڭ كەلبەتٸنە نۇقسان كەلتٸرٸپ تۇرعان جۇمىستاردى 1 شٸلدەگە دەيٸن تولىق اياقتاۋدى تاپسىردى.
سونداي-اق ول حالىقارالىق تەرمينالدى جاقىندا نٶسەر جاڭبىردان كەيٸن سۋ باسقانىن ەسكە سالىپ, بۇل جاعداي قوعامدا ٷلكەن رەزونانس تۋعىزعانىن اتاپ ٶتتٸ.
ۆيتسە-پرەمەر قالا ەكٸمدٸگٸنە جاڭعىرتۋ جۇمىستارىنىڭ ساپاسى مەن مەرزٸمٸن قاتاڭ باقىلاۋعا الۋدى جٷكتەدٸ.
ايتا كەتەيٸك, ەۋەجايدى TAV Havalimanları Holding باسقارادى. بىلتىر جالپى قۇنى 360 ملن دوللار بولاتىن بەس جىلدىق دامۋ جوسپارى بەكٸتٸلگەن. جوبا اياسىندا تەرمينالداردى جاڭارتۋ, ۇشۋ-قونۋ جولاعىن جٶندەۋ, ينفراقۇرىلىمدى كەڭەيتۋ, قوناق ٷي مەن پاركينگ سالۋ كٶزدەلگەن.
