Foto: Pexels.com
Qarjylyq monitoring agenttigi «Sybaǵa» memlekettik baǵdarlamasy aiasynda "Agrarlyq nesie korporatsiiasy" AQ Aqtóbe filialynan nesie alý kezindegi alaiaqtyq faktilerin anyqtady. Bul týraly agenttiktiń baspasóz qyzmetine silteme jasaǵan Ult.kz habarlaidy.
Tergeý barysynda 4 sharýa qojalyǵynyń ókilderi jalǵan qujattardy paidalana otyryp, asyl tuqymdy IQM satyp alýǵa bólingen memlekettik sýbsidiialar men kredittik qarajatty qoldy qylǵan úsh azamat anyqtaldy.
Quqyqqa qaishy árekettermen memleketke jalpy somasy 1 mlrd teńgege jýyq iri mólsherde zalal keltirildi.
"Sotqa deiingi tergeý barysynda zalal óteldi. Agroónerkásiptik keshen salasyndaǵy asa iri mólsherdegi alaiaqtyq úshin sot úkimimen úsh adam 5 jylǵa bas bostandyǵynan aiyryldy. Sottalýshylardyń jyljymaly jáne jyljymaityn múlikteri memleket paidasyna tárkilendi", - delingen habarda.
