فوتو: Pexels.com
قارجىلىق مونيتورينگ اگەنتتٸگٸ «سىباعا» مەملەكەتتٸك باعدارلاماسى اياسىندا "اگرارلىق نەسيە كورپوراتسيياسى" اق اقتٶبە فيليالىنان نەسيە الۋ كەزٸندەگٸ الاياقتىق فاكتٸلەرٸن انىقتادى. بۇل تۋرالى اگەنتتٸكتٸڭ باسپاسٶز قىزمەتٸنە سٸلتەمە جاساعان Ult.kz حابارلايدى.
تەرگەۋ بارىسىندا 4 شارۋا قوجالىعىنىڭ ٶكٸلدەرٸ جالعان قۇجاتتاردى پايدالانا وتىرىپ, اسىل تۇقىمدى ٸقم ساتىپ الۋعا بٶلٸنگەن مەملەكەتتٸك سۋبسيدييالار مەن كرەديتتٸك قاراجاتتى قولدى قىلعان ٷش ازامات انىقتالدى.
قۇقىققا قايشى ەرەكەتتەرمەن مەملەكەتكە جالپى سوماسى 1 ملرد تەڭگەگە جۋىق ٸرٸ مٶلشەردە زالال كەلتٸرٸلدٸ.
"سوتقا دەيٸنگٸ تەرگەۋ بارىسىندا زالال ٶتەلدٸ. اگروٶنەركەسٸپتٸك كەشەن سالاسىنداعى اسا ٸرٸ مٶلشەردەگٸ الاياقتىق ٷشٸن سوت ٷكٸمٸمەن ٷش ادام 5 جىلعا باس بوستاندىعىنان ايىرىلدى. سوتتالۋشىلاردىڭ جىلجىمالى جەنە جىلجىمايتىن مٷلٸكتەرٸ مەملەكەت پايداسىنا تەركٸلەندٸ", - دەلٸنگەن حاباردا.
