2020 jyldyń 1 qazanyna deiin zańdy tulǵalar men jeke kásipkerlerge qatysty bankrottyq protsedýrany qozǵaýǵa tyiym salynady.
Bul týraly Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Ókinishke qarai, búkil álemdegidei biz de barlyq kásiporyndar men barlyq jumys oryndaryn saqtap qalyp, árbir biznestiń turaqtylyǵyn qamtamasyz ete almaimyz. Sondyqtan tótenshe jaǵdai rejiminiń engizilýinen barynsha zardap shekken ekonomika sektorlary úshin normativtik deńgeide tótenshe jaǵdai rejiminiń engizilýi fors-majorlyq jaǵdai dep moiyndaý mańyzdy. Bul rette jeke kásipkerlik jáne shaǵyn biznes ókilderi sotqa júgingen kezde tótenshe jaǵdai fors-majorlyq jaǵdai dep moiyndalýy tiis», - dedi QR Prezidenti.
Sonymen qatar Memleket basshysy osynaý qiyn-qystaý kezeńde jumys istep turǵan kásipkerlerdiń ekonomikalyq belsendiligin qoldaý, jekemenshik pen básekelestikti qoldaý mańyzdy ekendigine nazar aýdartty.
«Josyqsyz kreditorlar tarapynan qysymǵa jol bermeý maqsatynda osy jyldyń 1 qazanyna deiin zańdy tulǵalar men jeke kásipkerlerge qatysty bankrottyq protsedýrasyn qozǵaýdy toqtatýdy tapsyramyn», - dedi Qasym-Jomart Toqaev.
