2020 جىلدىڭ 1 قازانىنا دەيٸن زاڭدى تۇلعالار مەن جەكە كەسٸپكەرلەرگە قاتىستى بانكروتتىق پروتسەدۋرانى قوزعاۋعا تىيىم سالىنادى.
بۇل تۋرالى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ قورىتىندى وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«ٶكٸنٸشكە قاراي, بٷكٸل ەلەمدەگٸدەي بٸز دە بارلىق كەسٸپورىندار مەن بارلىق جۇمىس ورىندارىن ساقتاپ قالىپ, ەربٸر بيزنەستٸڭ تۇراقتىلىعىن قامتاماسىز ەتە المايمىز. سوندىقتان تٶتەنشە جاعداي رەجيمٸنٸڭ ەنگٸزٸلۋٸنەن بارىنشا زارداپ شەككەن ەكونوميكا سەكتورلارى ٷشٸن نورماتيۆتٸك دەڭگەيدە تٶتەنشە جاعداي رەجيمٸنٸڭ ەنگٸزٸلۋٸ فورس-ماجورلىق جاعداي دەپ مويىنداۋ ماڭىزدى. بۇل رەتتە جەكە كەسٸپكەرلٸك جەنە شاعىن بيزنەس ٶكٸلدەرٸ سوتقا جٷگٸنگەن كەزدە تٶتەنشە جاعداي فورس-ماجورلىق جاعداي دەپ مويىندالۋى تيٸس», - دەدٸ قر پرەزيدەنتٸ.
سونىمەن قاتار مەملەكەت باسشىسى وسىناۋ قيىن-قىستاۋ كەزەڭدە جۇمىس ٸستەپ تۇرعان كەسٸپكەرلەردٸڭ ەكونوميكالىق بەلسەندٸلٸگٸن قولداۋ, جەكەمەنشٸك پەن بەسەكەلەستٸكتٸ قولداۋ ماڭىزدى ەكەندٸگٸنە نازار اۋدارتتى.
«جوسىقسىز كرەديتورلار تاراپىنان قىسىمعا جول بەرمەۋ ماقساتىندا وسى جىلدىڭ 1 قازانىنا دەيٸن زاڭدى تۇلعالار مەن جەكە كەسٸپكەرلەرگە قاتىستى بانكروتتىق پروتسەدۋراسىن قوزعاۋدى توقتاتۋدى تاپسىرامىن», - دەدٸ قاسىم-جومارت توقاەۆ.
