Қазақстанда 5 қыркүйекте ауа райы негізінен құрғақ әрі жылы болады. «Қазгидромет» мәліметінше, ел аумағының басым бөлігі жоғары атмосфералық қысым аймағының ықпалында болады. Сондықтан көп өңірде жауын-шашынсыз, бұлтсыз ауа райы күтіледі, деп хабарлайды ult.kz.
Дегенмен Қазақстанның батысы, оңтүстігі және оңтүстік-шығысында атмосфералық фронттардың әсерінен кей жерлерде найзағай ойнап, қысқа мерзімді жаңбыр жаууы мүмкін. Жекелеген аудандарда жел күшейеді.
Күндіз ауа температурасы:
батыс, солтүстік және орталық өңірлерде +25…+33°C;
шығыста +20…+25°C;
оңтүстікте +28…+37°C;
оңтүстік-шығыста +20…+30°C болады.
Ал оңтүстік-шығыстың таулы және тау бөктеріндегі аудандарда күндіз ауа температурасы +10…+20°C шамасында сақталады.
Синоптиктердің болжамынша, еліміздің басым бөлігінде жаздағыдай жылы күндер жалғасады.
Алматыда 5 қыркүйекте көшпелі бұлт шығады, жауын-шашын күтілмейді. Түнде +11…+13°C, күндіз +22…+24°C болады. Жел солтүстік-шығыстан, шығыстан соғып, жылдамдығы секундына 3–8 метрге жетеді.
Астанада да жауын-шашынсыз ауа райы болжанады. Түнде +8…+10°C, күндіз +27…+29°Cдейін жылынады.
