Qazaqstanda 5 qyrkúiekte aýa raiy negizinen qurǵaq ári jyly bolady. «Qazgidromet» málimetinshe, el aýmaǵynyń basym bóligi joǵary atmosferalyq qysym aimaǵynyń yqpalynda bolady. Sondyqtan kóp óńirde jaýyn-shashynsyz, bultsyz aýa raiy kútiledi, dep habarlaidy ult.kz.
Degenmen Qazaqstannyń batysy, ońtústigi jáne ońtústik-shyǵysynda atmosferalyq fronttardyń áserinen kei jerlerde naizaǵai oinap, qysqa merzimdi jańbyr jaýýy múmkin. Jekelegen aýdandarda jel kúsheiedi.
Kúndiz aýa temperatýrasy:
batys, soltústik jáne ortalyq óńirlerde +25…+33°C;
shyǵysta +20…+25°C;
ońtústikte +28…+37°C;
ońtústik-shyǵysta +20…+30°C bolady.
Al ońtústik-shyǵystyń taýly jáne taý bókterindegi aýdandarda kúndiz aýa temperatýrasy +10…+20°C shamasynda saqtalady.
Sinoptikterdiń boljamynsha, elimizdiń basym bóliginde jazdaǵydai jyly kúnder jalǵasady.
Almatyda 5 qyrkúiekte kóshpeli bult shyǵady, jaýyn-shashyn kútilmeidi. Túnde +11…+13°C, kúndiz +22…+24°C bolady. Jel soltústik-shyǵystan, shyǵystan soǵyp, jyldamdyǵy sekýndyna 3–8 metrge jetedi.
Astanada da jaýyn-shashynsyz aýa raiy boljanady. Túnde +8…+10°C, kúndiz +27…+29°Cdeiin jylynady.
