جۋرناليست ارداق قۇلتاي تٸكەلەي ەفيردە سانجار كەرٸمبايعا حابارلاسىپ, قوعام بەلسەندٸسٸنٸڭ كٸتابىنداعى جازبانى تالقىلادى, دەپ حابارلايدى ult.kz.
ارداق قۇلتاي سانجار كەرٸمبايدىڭ كٸتابىنداعى «سٷيٸنشٸ سۇراۋ, تٸلەك ايتۋ رەسٸمدەرٸ پايعامباردان كەلگەن» دەگەن ماعىناداعى مەتٸنگە شٷيلٸكتٸ. كٸتاپتا بىلاي جازىلعان:
«22-بەتتە:
«ساحابا كٶرگەن تٷسٸن پايعامبارعا ايتىپ بەرەدٸ. سوندا پايعامبار: “بۇدان بىلاي كەلگەن قۋانىشتى سٷيٸنشٸلەندەر, سٷيٸنشٸ سۇراعان كٸسٸنٸ قۇر قول قايتارماندار. شامالارىڭ جەتسە سىيلىق بەرٸڭدەر”, – دەپتٸ.»
23-بەتتە:
«…مەۋلٸت جىرىندا جيٸ ايتىلاتىن بۇل سيۋجەت قازاق اراسىنا تاراپ, پايعامباردىڭ سٷندەتٸنە اينالدى. جاڭا تۋعان نەرەستەگە كٶرٸمدٸك بەرۋ, قۇتتى بولسىن ايتىپ, سٷيٸنشٸ سۇراۋ, تٸلەك ايتۋ رەسٸمدەرٸ قازاق دەستٷرٸنٸڭ بٸر بٶلشەگٸن قۇرىپتى».
سانجار كەرٸمباي بۇل جەردە ارابتىڭ ەمەس, پايعامباردىڭ قاتىسى بارىن ايتتى. جۋرناليست ٸلە-شالا پايعامباردىڭ ۇلتىن سۇرادى. سانجار كەرٸمباي پايعامبارعا ۇلت بەرٸلمەيتٸنٸن ايتقاندا, جۋرناليست بۇل تۋرالى اقپارات قۇراندا جازىلعانىن ناقتىلادى.
ارداق قۇلتاي جازۋشىدان «بۇل جازىلعان اقپاراتتى ساحيح حاديستەرمەن ناقتىلاي الاسىز با?», - دەپ سۇرادى.
«بۇنىڭ ساحيح حاديسكە قاتىسى جوق. بۇل حالىقتىق يسلام دەپ اتالادى. بۇل اۋىز ەدەبيەتٸنە جاقىن بولادى», - دەدٸ سانجار كەرٸمباي.
جۋرناليست ارتىنشا «سوندا بۇل قييالدان تۋعان ەڭگٸمە مە?» دەگەندە سانجار كەرٸمباي «يە» دەپ جاۋاپ قاتتى.
جۋرناليست سانجان كەرٸمبايعا بۇل دەلەلسٸز اقپاراتتاردى ەل-ەلدٸ ارالاپ ادامدارعا تاراتىپ جٷرگەنٸ ورىنسىز ەكەنٸن ەسكەرتتٸ.
