مەجٸلٸس دەپۋتاتتارى شارۋالاردىڭ قيىن مەسەلەلەرٸن كٶتەردٸ, دەپ حابارلايدى "ۇلت اقپارات".
«AMANAT» فراكتسيياسى پارتيياسىنىڭ دەپۋتاتتارى ەربولات ساتىبالدين مەن امانجول ەلتاي قىستان قيىن جاعدايدان شىققان شارۋا قوجالىقتارىنىڭ مەسەلەلەرٸن كٶتەرٸپ, زارداپ شەككەن شارۋا قوجالىقتارى مەن ٶلٸم-جٸتٸمگە ۇشىراعان مال باسى ساناعىن جٷرگٸزۋ كەرەك دەپ ەسەپتەيدٸ. سونىمەن قاتار شارۋا قوجالىعى جوق اۋىل تۇرعىندارىنىڭ تٸركەۋدە بولماعان مالداردىن ساناققا ەنگٸزۋگە رۇقسات بەرۋ (حالىق اۋزىندا «زەلەنىي كورريدور» دەپ اتالىپ كەتكەن) قاجەت دەپ, ۇلىتاۋ وبلىسىندا تٶتەنشە جاعداي جارييالاۋدى ۇسىندى. بۇدان بٶلەك, جۇتتان تيتىققان شارۋالارعا قولداۋ رەتٸندە اۋىلشارۋاشىلىق ماقساتتارعا العان نەسيەلەرٸنە كەشٸرٸم جارييالاۋ جەنە مال ٶلەكسەلەرٸن جويۋ جۇمىستارىن جٷرگٸزە وتىرىپ, مالدارعا جۇقپالى اۋرۋلارعا قارسى ەكپە جۇمىستارىن دا مەملەكەت ەسەبٸنەن ۇيىمداستىرۋ قاجەت ەكەنٸن ايتىپ وتىر.
"ارقادا مال قىرىلدى, قىرىلماعانى, كٶتەرەم بولىپ, تەرٸسٸنە ٸلٸنٸپ, ۇزىن سارىعا كٸردٸ. ٸرٸ شارۋالاردى ايتپاعاندا, شاعىن اۋىلداردىڭ ٶزٸنەن 100-دەن استام جىلقى قۇلاعان. اۋىل تۇرعىندارى باعىپ وتىرعان مالدارىنىڭ جۇتقا ۇشىرادى دەپ دابىل قاققانىنا اي جارىمنان استى. تەك قانا قاراجالدىڭ ٶزٸندە – 566 باس جىلقىنىڭ ٶلەكسەسٸ جينالدى. جينالماي دالا شاشىلىپ جاتقانى قانشاما?! جۇت تەك ۇلىتاۋ جەرٸندە عانا ەمەس, اقمولا, قاراعاندى وبلىستارىن دا شارپىدى. مۇنداي قىسپاق جىلدا سوقپايدى, وسىنداي اۋىر جاعدايعا قالعان ەلگە دەر كەزدە مەملەكەتتەن قولداۋ قاجەت ەدٸ. جەدەل كٶمەك بەرەتٸن ۋاقىتتان كەش قالدىق. جايىلىمدىق تەبٸندەردٸ ارشىپ, جەم-شٶپ تاراتىپ, مال باسىن الىپ قالۋعا جاساعان ەرەكەت ماردىمسىز, شالا بولدى.
قىستىڭ ورتاسىندا جاۋعان جاۋىندى كٶرٸپ, بٸلٸپ وتىرعان جاۋاپتى مەملەكەتتٸك مەكەمەلەر بولا تۇرا, ۇلىتاۋ وبلىسىندا بولىپ جاتقان تابيعاتتىڭ قاۋٸپتٸ جەنە دٷلەي قۇبىلىستارىنىڭ جۇتقا ەكەلٸپ سوعاتىنى تۋرالى بولجام جاساپ, جەرگٸلٸكتٸ ەكٸمدٸكتەرگە ەسكەرتە المادى. مەملەكەتتٸك باقىلاۋ مەن رەتتەۋدٸڭ سالعىرتتىعىن وسىدان دا كٶرسەك بولادى.
ەرٸپتەسٸم, مەجٸلٸس دەپۋتاتى امانجول ەلتايدىڭ جۇت تۋرالى ايتقان جانايقايىنا اۋىل شارۋاشىلىق مينيسترلٸگٸ «مالدىڭ جاپپاي ٶلٸمٸ فاكتٸلەرٸ جوق, ۇلىتاۋ وبلىسىندا 67 جىلقى مالى ٶلٸمٸ تٸركەلدٸ» دەپ اۋزىن قۋ شٶپپەن سٷرتٸپ, شارۋالاردىڭ ٶزٸن كٸنەلاۋدان ەرٸگە بارمادى.
جۇت جايىن قالىڭ ەلدٸڭ اراسىنا بارىپ, بٸلۋدٸڭ ورنىنا كوميسسييا جٸبەرٸپ, ٶلەكسە ساناۋمەن شەكتەلدٸ. ٷكٸمەتتٸڭ بۇل تٸرلٸگٸن ارقا جۇرتى "قارنىمنىڭ اشقانىنا ەمەس, قادٸرٸمنٸڭ قاشقانىنا جىلايمىنعا» بالاپ وتىر.
كەشەگٸ كوۆيد-19 نەۋبەتٸ كەلگەندە جاڭاارقانىڭ شارۋالارى بال
قىمىزى مەن شيپالى ساۋمالىن استانا مەن قاراعاندى وبلىسىنىڭ
اۋرۋحانالارىنا تەگٸن جەتكٸزٸپ, ناۋقاستاردىڭ ساۋىعىپ كەتۋٸنە كٶمەكتەسٸپ, پاندەمييامەن كٷرەسٸپ جاتقان دەرٸگەرلەرگە كٷش-قۋات بەرگەنٸن قالايشا ۇمىتامىز?! سارى قىمىز ساپىرعان سەندٸ كەلٸنشەكتەر قىمىزدى كٷبٸگە قۇيىپ, كٷرپٸلدەتٸپ پٸسٸپ, بٸر ۋاقىتتا ون مىڭ ليتر قىمىز دايىنداپ, گيننەستٸڭ رەكوردتار كٸتابىنا ەنٸپ, قازاقتىڭ دەستٷرٸن ەلەمگە پاش ەتكەن جاڭاارقاعا مۇندايدا قول ۇشىن سوزۋ, بٸلگەن ادامعا - مٸندەت ەدٸ!" -دەدٸ دەپۋتات ەربولات ساتىبالدين.
