قازاقستان حالقى اسسامبلەياسىنىڭ ححV سەسسيياسى بارىسىندا سٶز العان اقىندار ايتىسىنىڭ ۇيىمداستىرۋشىسى جٷرسٸن ەرمان ەلباسى نۇرسۇلتان نازارباەۆتان ايتىسقا قولداۋ كٶرسەتۋدٸ سۇرادى, دەپ حابارلايدى sputniknews.kz.
مٸنبەرگە شىققان جٷرسٸن ەرمان ٷلكەن ساحنالاردا سٶز باستاپ جٷرگەنٸمەن, ەلباسىنىڭ مىسى باسىپ, سەل قوبالجىپ تۇرعانىن جەتكٸزدٸ.
"بٸراق قوبالجىعانىممەن, جٷرەگٸمدەگٸ سٶزٸمدٸ ايتامىن. ايتىس تۋرالى بٸر اۋىز سٶز ايتپاي كەتسەم, مەنٸ 150 اقىن تٷتٸپ, جەپ قويادى. تەۋەلسٸزدٸك جىلدارىندا ٶتكەن ايتىستاردىڭ بارلىعىندا سٸزدٸڭ سٶز پورترەتٸڭٸزدٸ جاساعان ۋاقىتتا زالداعى مىڭداعان حالىق شۋىلداپ, گۋٸلدەپ, قولداپ وتىرعان كەزدە كەيدە كٶزٸمە جاس كەلەدٸ. مۇنى جاعىمپازدىقپەن ايتىپ وتىرعان جوقپىن. سٸزدٸڭ سايلاۋلارىڭىزدىڭ الدىندا ٷش رەت اقىندار ايتىسىن جاسادىم. سونىڭ بەرٸندە سٸزدٸڭ بەينەڭٸزدٸ اقىندار كٶككە كٶتەرگەن كەزدە مەن قازاقتىڭ ٶنەرٸنٸڭ قۇدٸرەتٸنە تاڭ قالامىن", — دەدٸ جٷرسٸن ەرمان.
ونىڭ ايتۋىنشا, قازٸر ۇلتقا جاني اشيتىن تەك بەس-التى ازاماتتىڭ ارقاسىندا عانا ايتىس كٷنٸن كٶرٸپ وتىر. "الماتىداعى باۋىرجان بايبەك, اتىراۋداعى نۇرلان نوعاەۆ, كەشەگٸ باقتىقوجا ٸزمۇحامبەتوۆ, بەردٸبەك ساپارباەۆ, قىرىمبەك كٶشەرباەۆ, التاي كٶلگٸنوۆ ەكٸمدەر ايتىستى قولداپ وتىر. وسى ازاماتتاردىڭ كٶمەگٸمەن عانا كٷن كٶرٸپ وتىرمىز. اقىندار سٸزدٸڭ ساياساتىڭىزدى ناسيحاتتاۋ ٷشٸن وتقا دا, سۋعا دا تٷسۋگە دايىن وتىر. ارقاسىنان قاعىپ قويسا بولدى, ەرٸ قاراي سايراي بەرەدٸ", — دەدٸ ەرمان. ٶز كەزەگٸندە مەملەكەت باسشىسى قازٸرگٸ ايتىستىڭ دەڭگەيٸن كٶتەرۋ قاجەتتٸگٸن ايتىپ ٶتتٸ.
"ايتىس بٸزدٸڭ تامىرىمىز, دەستٷرٸمٸز. مەنٸڭ ماقالاما بۇل دا كٸرەدٸ. مەنٸڭشە, ايتىستار وبلىستاردا ٶتسە, سوسىن ونىڭ جەڭٸمپازدارىن رەسپۋبليكا بويىنشا كٶرسەتسەك. ەنٸنە سٶزٸ ساي بولسا دەيمٸن. قىرعىزداردا, باسقا ەلدەردە بار, سولاردىڭ ەنٸ دە كەرەمەت, ەر سٶزٸ دە فيلوسوفييا. «سەندەر مىنانى ايتىڭدار, نازارباەۆتى ماقتاڭدار» دەپ كوماندا بەرەدٸ, سوسىن كەتەدٸ. كەيدە ونىڭ ٸشٸندە نەشٸ تٷرلٸ بەلەلەر ايتىلىپ كەتەدٸ", — دەدٸ ەلباسى.
"قازٸر كٶپتەگەن تالانتتى جاستار شىعىپ كەلە جاتىر. ولاردى حالىقارالىق دەڭگەيگە شىعارۋعا ۇيالمايمىز. ارقاسىنان قاعىپ قويساڭدار بولدى, ەلدٸڭ مەرتەبەسٸن كٶتەرە بەرەدٸ", — دەدٸ جٷرسٸن ەرمان.
