الماتىدا «Bank RBK», «Qazaq Banki» جەنە «Eurasian Bank» بانكتەرٸنەن 188 ميلليارد تەڭگەدەن استام قاراجاتتى جىمقىرۋ ٸسٸ بويىنشا سوت ٷكٸمٸ شىقتى, دەپ حابارلايدى "ۇلت اقپارات".
ايىپتىلاردىڭ قاتارىندا ەكس-بانكير جومارت ەرتاەۆ, استىق وليگارحى نۇرلان تٸلەۋباەۆ, ەلٸمجان تٸلەۋباەۆ, اقان سۇلتانوۆ, سەرٸك اتاباي جەنە وكسانا شەستاكوۆا بار.
قىلمىستىق ٸستٸڭ ماتەريالدارى نەگٸزٸندە نۇرلان تٸلەۋباەۆ جومارت ەرتاەۆتىڭ كٶمەگٸمەن قامتاماسىز ەتٸلمەگەن استىق قولحاتتارى ارقىلى نەسيە العان. سونىمەن قاتار, ەرتاەۆ تٸلەۋباەۆتى ٶزٸ ىقپال ەتە الاتىن ەرٸپتەستەرٸمەن تانىستىرعان. ال تلەۋباەۆ بولسا, اقشانىڭ بٸر بٶلٸگٸن ەرتاەۆقا اۋدارۋى كەرەك بولدى.
سوت جومارت ەرتاەۆتى قىلمىستىق توپ قۇرعانى جەنە الاياقتىق جاساعانى ٷشٸن كٸنەلٸ دەپ تانىپ, 9 جىلعا باس بوستاندىعىنان ايىردى. ال نۇرلان تٸلەۋباەۆتى 10 جىل مەرزٸمگە ماتەريالدىق جاۋاپكەرشٸلٸككە بايلانىستى لاۋازىمداردى اتقارۋ قۇقىعىنان ايىرا وتىرىپ 9 جىلعا سوتتالدى. ول جازاسىن قاۋٸپسٸزدٸگٸ ورتاشا كولونييادا ٶتەيتٸن بولدى. ەلٸمجان تٸلەۋباەۆقا ٸرٸ كٶلەمدە الاياقتىق جاسادى دەگەن ايىپ تاعىلدى. سوت ونى 5,5 جىلعا سوتتادى. پارا بوپسالادى دەپ ايىپتالعان اقان سۇلتانوۆ كٸنەلٸ دەپ تانىلدى. بٸراق, ول شاعىمدانۋ مەرزٸمٸنٸڭ اياقتالۋىنا بايلانىستى جازادان بوساتىلدى. اسا ٸرٸ كٶلەمدە الاياقتىق جەنە جالعان قۇجاتتار جاساۋ, ولاردى ساتۋ بويىنشا ايىپتالعان وكسانا شەستاكوۆا مەن سەرٸك اتابايعا باس بوستاندىعىنان ايىرۋ جازاسى تاعايىندالدى. سەرٸك اتاباي - 5,5 جىلعا, ال شەستاكوۆ 5 جىلعا سوتتالدى. ەكەۋٸ دە جازالارىن قاۋٸپسٸزدٸگٸ ورتاشا كولونييادا ٶتەيتٸن بولادى.
سوت نۇرلان تٸلەۋباەۆ, ەلٸمجان تٸلەۋباۆا, جومارت ەرتاەۆ, سەرٸك اتاباي, وكسانا شەستاكوۆادان «DSFK (دسفك) ارنايى قارجى كومپانيياسى» جشس-نٸڭ پايداسىنا 97 ملرد تەڭگەدەن استام جەنە مەملەكەتكە 2 ملرد تەڭگەدەن استام باج سالىعىن ٶندٸرٸپ الۋ تۋرالى شەشٸم شىعاردى. ال 46 ملرد تەڭگەدەن استام جەنە 1 ميلليارد تەڭگەدەن استام مەملەكەتتٸك باج «Qazaq Banki» پايداسىنا بولسا, 24 ملرد-تان استام تەڭگە جەنە 725 ميلليون تەڭگە مەملەكەتتٸك باج سالىعى «ەۋرازييالىق بانك» اق پايداسىنا بولماق.
ايىپتىلارعا ازاماتتىق ٸستٸ اياقتاۋعا ەكٸ اي ۋاقىت بەرٸلدٸ.
ايتا كەتۋ كەرەك, ەكس بانكير جومارت ەرتاەۆ 2018 جىلدىڭ مامىرىندا مەسكەۋدە ۇستالعان بولاتىن. وعان اسا ٸرٸ كٶلەمدە قارجى جىمقىردى دەگەن ايىپ تاعىلعان بولاتىن.
بٸرنەشە ايعا سوزىلعان سوت پروتسەسٸنەن سوڭ جومارت ەرتاەۆ Bank RBK تيەسٸلٸ 140 ملرد تەڭگەنٸ جىمقىردى دەپ ايىپتالىپ, 11 جىلعا سوتتالعان ەدٸ.
