قازاقستان رەسپۋبليكاسىنىڭ پرەزيدەنتتٸگٸنە كانديدات جيگۋلي دايراباەۆتىڭ ٷگٸت-ناسيحات جۇمىستارى اتىراۋ وبلىسىندا جالعاستى. كانديدات سارايشىق اۋىلىنىڭ دەرٸگەرلەرٸمەن كەزدەستٸ. كەزدەسۋدە اۋىلدىق ەلدٸمەكەندەردەگٸ مەديتسينالىق قىزمەتتٸڭ ساپاسى جايلى ايتىلدى, دەپ حابارلايدى "ۇلت اقپارات" «اۋىل» حدپپ باسپاسٶز قىزمەتٸنە سٸلتەمە جاساپ.
بٷگٸنگٸ اۋىلدارداعى ينفراقۇرىلىمنىڭ ٶزەكتٸ پروبلەمالارىنىڭ بٸرٸ – مەديتسينالىق ساقتاندىرۋمەن قامتاماسىز ەتۋ. اۋىل تۇرعىندارىنىڭ تۇراقتى جۇمىسى بولماعاندىقتان, مەديتسينالىق ساقتاندىرۋ قورىنا تٷسەتٸن تٷسٸمدەرٸ جوق. سول سەبەپتٸ مەملەكەت تاراپىنان كٶرسەتٸلەتٸن مەديتسينالىق كٶمەك اۋىلدىقتارعا ارمان.
«قازٸر مەديتسينالىق ساقتاندىرۋىڭ بولماسا ەشكٸمگە كەرەكسٸزسٸڭ. وسى ولقىلىقتىڭ ورنىن تولتىرۋ ٷشٸن اۋىلدىقتاردى تۇراقتى جۇمىسپەن قامتاماسىز ەتۋ كەرەك. بٷگٸنگٸ جاعدايدا بۇل مٷمكٸن ەمەس. بٸراق تىعىرىقتان شىعۋدىڭ باسقا جولى بار. ول – جەكە ٷي شارۋاشىلىعى كووپەراتسيياسىن قۇرۋ. بٸر جٷش-تە ەڭ كەمٸ ەكٸ ادام – ەرٸ مەن ەيەلٸ جۇمىس ٸستەيدٸ, ياعني ٶزٸن-ٶزٸ قامتاماسىز ەتەدٸ. ولار ٶندٸرگەن اۋىلشارۋاشىلىعى ٶنٸمٸن كووپەراتيۆكە ٶتكٸزسە, كووپەراتيۆ ولاردان سالىقتى ۇستاپ قالۋعا مٸندەتتٸ. سالىقتىڭ بٸر بٶلٸگٸن تٶرتٸنشٸ دەڭگەيدەگٸ بيۋدجەتتٸ, ياعني سول اۋىلدىڭ ەكٸمٸنٸڭ بيۋدجەتٸن قالىپتاستىرۋعا, بٸر بٶلٸگٸن اۋىلدىقتاردىڭ زەينەتاقى قورىنداعى, ەلەۋمەتتٸك ساقتاندىرۋ جەنە مەديتسينالىق ساقتاندىرۋ قورىنداعى جيناقتاۋ شوتىنا اۋدارۋعا بولادى. بۇل ٷي شارۋاشىلىعىندا جۇمىس ٸستەيتٸن ازاماتتاردى مەديتسينالىق قىزمەتپەن قامتاماسىز ەتۋگە كٶمەك بولادى. ەگەر شەنەۋنٸكتەر اۋىلدا تۇراقتى جۇمىس ورنىن قۇرۋمەن نەمەسە اۋىل كووپەراتسيياسىن ىنتالاندىرۋمەن اينالىسقىسى كەلمەس, وندا اۋىل تۇرعىندارىن مەديتسينالىق ساقتاندىرۋ تالابىن تٸپتەن الىپ تاستاعا تۋرا كەلەدٸ. اۋىلدىقتارعا بارلىق مەديتسينالىق قىزمەت مەملەكەت ەسەبٸنەن تەگٸن كٶرسەتٸلۋٸ تيٸس», – دەدٸ كانديدات.
بۇدان كەيٸن كانديدات اۋىل مۇعالٸمدەرٸمەن كەزدەستٸ. وندا ول دالا دەموكراتيياسىنىڭ ۇستانىمدارى جايلى ايتىپ, ولارمەن بٸرگە ار-وجداندى, تەربيەلٸ ۇرپاق ٶسٸرۋ مەسەلەسٸن تالقىلادى. بٸلٸم بەرۋ ەدٸستەمەسٸن ٶزگەرتۋدٸڭ قانشالىقتى ٶزەكتٸ ەكەنٸن تٸلگە تيەك ەتتٸ.
«تەربيە تال بەسٸكتەن باستالادى. ال تال بەسٸكتٸڭ تٶركٸنٸ اۋىلدا. كٸشٸگە – ٸزەت, ٷلكەنگە – قۇرمەت تەرٸزدٸ ادامي قاسيەتتٸڭ بەرٸ اعا بۋىننىڭ ەڭگٸمەسٸنەن الىنادى. مەدەنيەت وسىدان باستالادى. جوعارى دەڭگەيدەگٸ مەدەنيەتتٸ قالىپتاستىراتىن وسى اۋىل مەكتەپتەرٸ. سوندىقتان مۇعالٸمدەردٸڭ ساباق بەرۋ ەدٸسٸنٸڭ, تەربيە جۇمىسىنىڭ ماڭىزى زور», – دەدٸ دايراباەۆ.
بٸلٸم سالاسىنداعى سايلاۋشىلاردان سوڭ كانديدات اتىراۋ قالاسى ماڭىنداعى ماحامبەت اۋدانىنا قاراستى جول بويىندا سالىنىپ جاتقان جىلىجايلاردىڭ قۇرىلىس جۇمىسىمەن تانىستى. اتالعان كەشەن 5,6 گەكتار اۋماقتا زاماناۋي تەحنولوگيياعا سەيكەس سالىنىپ جاتىر. جىلىجاي جوسپار بويىنشا پايدالانۋعا 2023 جىلدىڭ كٶكتەمٸندە بەرٸلٸپ, اتىراۋ قالاسى تۇرعىندارىن قىزاناقپەن قامتاماسىز ەتەتٸن بولادى. كەشەندە جاڭبىرلاتىپ سۋارۋ جٷيەسٸ قاراستىرىلعان. كانديداتتىڭ پٸكٸرٸنشە جاۋىن-شاشىن سيرەك تٷسەتٸن, كٷن شۋاعى مول مۇنداي ٶڭٸرگە جىلىجايلار ٶتە قاجەت. ٷكٸمەت مۇنداي شارۋاشىلىقتارعا جول سالۋ, سۋ, ەلەكتر جەلٸلەرٸن تارتىپ بەرۋ سيياقتى بارىنشا قولداۋ كٶرسەتۋٸ تيٸس. جالپى قۇنى 8 ملرد تۇراتىن جوبا قارجىسىنىڭ بٸر بٶلٸگٸ بانكٸدەن الىنعانىن ەستٸگەن كانديدات ەدەۋٸر قىنجىلىس بٸلدٸردٸ.
««بەيتەرەك» حولدينگٸ, اگرارلىق نەسيە كورپوراتسيياسى سيياقتى كۆازيمەملەكەتتٸك قارجى ينستيتۋتتارى تۇرعاندا شارۋالار نەلٸكتەن بانككە جٷگٸنەدٸ? بۇل ەلٸمٸزدە اگرارلىق ساياساتتىڭ دۇرىس جولعا قويىلماعانىن كٶرسەتسە كەرەك. قوجالىقتار قولعا العان جوبالارىنىڭ بويىنا قان جٷگٸرتەتٸن قاراجات تابۋدىڭ شەشٸمٸ وسىنداي بولعاندىقتان بۇعان دا كٶنۋگە مەجبٷر», – دەدٸ دايراباەۆ.
كانديدات جىلىجايدان كەيٸن حالىقتى بٸرنەشە جىلدان بەرٸ ەشكٸ سٷتٸمەن قامتاماسىز ەتٸپ وتىرعان شارۋاشىلىق – ماحامبەت اۋدانىنىڭ سارايشىق اۋىلىنداعى زاماناۋي ەشكٸ فەرماسىنا باردى. فەرمانى قۇرۋشى – قازاقستاننىڭ ەڭبەك ەرٸ – روزىمەتوۆ ۆلاديمير فەدوروۆيچ. ول شارۋاشىلىقتى 10-15 جىل بۇرىن ساتىپ الىپ, قايتا قۇرىلىمداپ, بٷگٸندە ٷلكەن كەشەنگە اينالدىرىپ وتىر.
«بۇل – ەڭبەك ادامىنىڭ نەتيجەلٸ جۇمىسىنىڭ ارقاسى. وعان مەملەكەتتٸك جوعارى ماراپاتتىڭ بەرٸلۋٸ ەڭبەك ادامىنىڭ باعالانۋى. وسىنداي ادامداردىڭ تٶككەن تەرٸ مەملەكەت تاراپىنان ەسكەرٸلٸپ, قۇرمەتتەلٸپ وتىرسا, حالىقتىڭ اۋىل شارۋاشىلىعىنا, اگروبيزنەسكە دەگەن ىنتاسى ارتادى», – دەدٸ كانديدات.
ەشكٸ فەرماسى زاماناۋي تەحنولوگييا ارقاسىندا جوعارى ٶنٸمدٸلٸككە قول جەتكٸزگەن. دەسەك تە, مۇندا مال ازىعىنىڭ بازاسى جۇتاڭ. جايىق ٶزەنٸندە بۇرىنعىداي مول سۋ جوق. ول جىل ٶتكەن سايىن تارتىلۋدا. سۋ جەتكٸلٸكسٸز.
«مەسەلەنٸ تٷبەگەيلٸ شەشپەي ٸس العا باسپايدى. بٸر ەتتەڭٸ, قازٸر قازاقستاندا سۋ ماماندارى تٸپتەن قالماعان. جاۋاپتى ۆەدومستۆالاردى ٸستەيتٸن مامانداردىڭ سۋ سالاسىندا تەجٸريبەسٸ جوق. بۇل ٶندٸرٸستٸڭ قىر-سىرىن بٸلمەيدٸ. سوندىقتان ترانسشەكارالىق سۋلار بويىنشا كەلٸسسٶزدەر جٷرگٸزگەندە كٶبٸنە ۇتىلىپ جاتادى. وسى ولقىلىقتىڭ ورنىن تولتىرۋ قاجەت. اتىراۋ ٶڭٸرٸندە جايىقتان بٶلەك جەراستى سۋ مول. ونى گەولوگييالىق زەرتتەۋلەر راستاپ وتىر. وسى جەراستى سۋلارىن دۇرىس پايدالانۋدى قولعا الۋ كەرەك», – دەدٸ دايراباەۆ.
وبلىس تۇرعىندارى كانديداتتىڭ باستامالارى مەن سايلاۋالدى باعدارلاماسىن تىڭدادى.
