استانا قالاسىندا ٶتٸپ جاتقان بوكس كەشٸندە قازاقستاندىق كەسٸپقوي بوكسشى جانقوش تۇراروۆ ارگەنتينالىق برۋنو لەوناردو رومەيدٸ ۇپاي سانىمەن ۇتتى.
ون راۋندقا سوزىلعان جەكپە-جەك تارتىسقا تولى بولدى. جەرلەسٸمٸز كەزدەسۋدٸ بەلسەندٸ باستاپ, قارسىلاسىنىڭ وسال تۇسىن تابۋعا تىرىستى. الايدا قوس بوكسشى جەكپە-جەكتٸ مەرزٸمٸنەن بۇرىن اياقتاي المادى. تٶرەشٸلەر شەشٸممەن قازاق بوكسشىسى ايقىن باسىمدىقپەن جەڭدٸ.
وسىلايشا, جانقوش تۇراروۆ 22-شٸ جەڭٸسٸنە قول جەتكٸزدٸ.
ايتا كەتسەك, بۇعان دەيٸن العاشقى جەكپە-جەكتە قازاقستاندىق بوكسشى مەيٸرٸم نۇرسۇلتانوۆ بٸر مينۋتتىڭ ٸشٸندە ٶز قارسىلاسىن نوكاۋتپەن جەڭگەن بولاتىن.
ەكٸنشٸ كەزدەسۋدە ديماش نييازوۆ برازيلييالىق ەدۋاردو پەرەيرانى ۇپاي سانىمەن جەڭدٸ.
ٷشٸنشٸ جەكپە-جەكتە ايدوس ەربوسىنۇلى ارگەنتينالىق دجوناتان بارباديلونى نوكاۋتپەن جەڭدٸ.
تٶرتٸنشٸ كەزدەسۋدە ەلي احمەتوۆ امەريكالىق توماس دجاستيندٸ تەxنيكالىق نوكاۋتپەن جەڭدٸ.
ودان كەيٸنگٸ كەزدەسۋدە نۇرسۇلتان جاڭاباەۆ برازيلييالىق الەكس دۋارتەنٸ دە نوكاۋتپەن جەڭدٸ.
التىنشى جەكپە-جەكتە رۋسلان مىرساتاەۆ ارگەنتينالىق اندرەاس ماتياس افرانليدٸ ايقىن ۇتتى.
جەتٸنشٸ جەكپە-جەكتە جەنٸبەك ەلٸمحانۇلى برازيلييالىق جيلبەرتو پەرەيرۋ دوس سانتوستى ۇپاي سانىمەن جەڭدٸ.
