قر بٸلٸم جەنە عىلىم ۆيتسە-مينيسترٸ شولپان كارينوۆا جاڭا وقۋلىقتارمەن قامتاماسىز ەتۋ تەرتٸبٸن تٷسٸندٸردٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا «ەلٸپپە» وقۋلىعىن جاڭارتۋعا قاتىستى قانشا قاراجات بٶلٸنگەندٸگٸ جەنە قاي باسپادا باسىلىپ شىعاتىندىعى سۇرالدى.
«بٸرٸنشٸدەن, وقۋلىق شىعارۋعا مەملەكەت تاراپىنان قاراجات جۇمسالمايدى. ٶيتكەنٸ قازٸرگٸ كەزدە جالپى وقۋلىق جاساۋ باعىتى بەسەكەلەستٸك ورتاعا بەرٸلگەن. قازٸرگٸ كەلٸپ تٷسٸپ جاتقان وقۋلىقتاردىڭ بارلىعى شامامەن 15 باسپادان جٸبەرٸلەدٸ. «ەلٸپپەگە» بايلانىستى جاسالىپ جاتقان جوبالار بار. سوندىقتان بۇل تۇرعىدا ٷكٸمەت قاراجاتى جۇمسالمايدى», - دەدٸ ش. كارينوۆا.
سونىمەن قاتار ول وقۋلىق ساتىپ الۋ مەسەلەسٸنە توقتالدى.
«بۇل بٶلەك جاعداي. وقۋلىق دايىندالىپ بولعاننان كەيٸن, ياعني شىعارىلعان سوڭ, وقۋلىقتى تاڭداۋ كەزٸندە ەربٸر جەرگٸلٸكتٸ اتقارۋشى ورگاننىڭ كٶلەمٸندە بەلگٸلەنەتٸن جوسپارلى تٷردە قاراجات بار. ول بەس جىلدا وقۋلىقتاردىڭ جاڭارتىلۋىنا قاراستىرىلادى جەنە ٶزگەرگەن باعدارلاماعا بايلانىستى بولادى. وسى ورايدا تيٸستٸ قاراجات بەكٸتٸلٸپ, جەرگٸلٸكتٸ ورگانداردا ەسكەرٸلەدٸ. بۇل - ٷنەمٸ جٷرگٸزٸلەتٸن جۇمىس, سونداي-اق «ەلٸپپە» وقۋلىعىنا بايلانىستى جاڭارتىلادى. الداعى وقۋ جىلىندا «ەلٸپپەنٸ» ساتىپ الۋ جۇمىسىن جوسپارعا ساي جەرگٸلٸكتٸ ەكٸمدٸكتەر, بٸلٸم باسقارمالارى جٷرگٸزەدٸ», - دەدٸ ۆيتسە-مينيستر.
بۇدان بۇرىن حابارلانعانداي, «ەلٸپپەنٸ» ەنگٸزۋ 2021-2022 جىلعا جوسپارلانعان.
بيىل تامىز ايىندا قر بٸلٸم جەنە عىلىم مينيسترٸ اسحات ايماعامبەتوۆ ٶزگەرٸستٸڭ اياسىندا مەكتەپ باعدارلاماسىنا سەيكەس, 1-سىنىپتارعا 1-2 توقسان «ەلٸپپە», 3-4 توقسان «انا تٸلٸ» ەنگٸزٸلەتٸنٸن ايتقان ەدٸ.
