قازاقستاننىڭ حالىق ەرتٸسٸ ناعيما ەسقاليەۆا جاقىندا اناسىنان ايىرىلعان ەنشٸ سەكەن مايعازيەۆتٸڭ شاڭىراعىنا ارنايى بارىپ, كٶڭٸل ايتتى. ٶنەر يەسٸ داستارحان باسىندا انا تۋرالى تولعانىپ, كٶز جاسىن تىيا المادى, دەپ حابارلايدى ult.kz.
ەنشٸ قارالى وتباسىنا قولداۋ بٸلدٸرٸپ, انادان ايىرىلۋدىڭ قانشالىقتى اۋىر ەكەنٸن ايتتى. ەڭگٸمە بارىسىندا ول ٶزٸنٸڭ دە اناسى تۋرالى سٶز قوزعاپ, جاسى جەتپٸسكە كەلسە دە, ەلٸ كٷنگە دەيٸن اناسىنىڭ الدىندا بالا بولىپ قالاتىنىن جەتكٸزدٸ.
"ەكە مەيلٸ عوي, بٸراق انادان ايىرىلۋ ٶتە قيىن. وڭاي ەمەس. قىرىققا, ەلۋگە, الپىسقا, مٸنە جەتپٸسكە دە كەلدٸم. مامام تٸرٸ. ەلٸ كٷنگە دەيٸن ۇرىسادى, ەلٸ كٷنگە دەيٸن بالامىز", – دەدٸ ناعيما ەسقاليەۆا.
وسى سٶزدەردٸ ايتقان سەتتە ەنشٸنٸڭ كٶڭٸلٸ بوساپ, جانارىنا جاس ٷيٸرٸلدٸ. ول ادامنىڭ جاسى قانشاعا كەلسە دە, اناسىنىڭ مەيٸرٸمٸ مەن قامقورلىعىنا مۇقتاج بولاتىنىن ٶز ٶمٸرٸنەن مىسال كەلتٸرە وتىرىپ جەتكٸزدٸ.
ٶنەر يەسٸنٸڭ شىنايى كٶڭٸل كٷيٸ جەلٸ قولدانۋشىلارىن دا بەيجاي قالدىرمادى. كٶپشٸلٸك ونىڭ انالىق مەيٸرٸم تۋرالى ايتقان سٶزدەرٸنە تەبٸرەنٸپ, جىلى لەبٸزدەرٸن بٸلدٸردٸ.
"اناڭىز ۇزاق جاساسىن", "ناعيما اپاي كەرەمەت ادام", "ٶتە جاقسى كٶرەمٸن بۇل كٸسٸنٸ", "بالا-شاعاڭىزدىڭ قىزىعىن كٶرٸڭٸز", – دەپ جازدى وقىرماندار.
جەلٸ قولدانۋشىلارى ناعيما ەسقاليەۆانىڭ سەكەن مايعازيەۆتٸڭ وتباسىنا ارنايى بارىپ, قايعىسىنا ورتاقتاسقانىن دا جىلى قابىلدادى.
ەسكە سالا كەتەيٸك, 13 قازاندا تانىمال ەنشٸ, "مۋزارت" توبىنىڭ مٷشەسٸ سەكەن مايعازيەۆتٸڭ اناسى دٷنيەدەن ٶتتٸ. بۇل قارالى حابار ٶنەر يەسٸنٸڭ جاقىندارى مەن جانكٷيەرلەرٸن قايعىعا باتىردى.
ناعيما ەسقاليەۆانىڭ كٶڭٸل ايتۋعا كەلگەن سەتٸندە ايتقان سٶزدەرٸ انا قادٸرٸن تاعى بٸر مەرتە ەسكە سالىپ, كٶپشٸلٸكتٸڭ جٷرەگٸن تەبٸرەنتتٸ.
ناعيما ەسقاليەۆا كٸم?
ناعيما قابىلقىزى ەسقاليەۆا – قازاق ەستراداسىنىڭ بەلگٸلٸ ەنشٸسٸ, اكتريسا, تەلەجٷرگٸزۋشٸ, قازاقستاننىڭ حالىق ەرتٸسٸ. ول 1954 جىلى 3 اقپاندا الماتى وبلىسى جامبىل اۋدانىنداعى فابريچنىي كەنتٸندە دٷنيەگە كەلگەن. بولاشاق ەنشٸ كٶپبالالى وتباسىندا ٶسٸپ, بالا كەزٸنەن ٶنەرگە قىزىعۋشىلىق تانىتقان. العاشىندا اكتريسا بولۋدى ارمانداعان ول كەيٸن ەنشٸلٸك جولدى تاڭدادى.
ناعيما ەسقاليەۆا رەسپۋبليكالىق ەسترادا-تسيرك ٶنەرٸ ستۋديياسىندا بەلگٸلٸ ەنشٸ لاكي كەسوگلۋدان دەرٸس الىپ, كەيٸن الماتى مۋزىكالىق ۋچيليششەسٸن تەمامداعان.
1977 جىلدان باستاپ "قازاقكونتسەرت" بٸرلەستٸگٸندە ەڭبەك ەتٸپ, كەيٸن ەيگٸلٸ "گٷلدەر" انسامبلٸنٸڭ قۇرامىندا ٶنەر كٶرسەتتٸ.
1985 جىلدان باستاپ الماتى وبلىستىق فيلارمونيياسىنىڭ ەسترادالىق ترۋپپاسىنا جەتەكشٸلٸك ەتتٸ.
ٶنەردەگٸ جەتٸستٸكتەرٸ ٷشٸن 1985 جىلى قازاق كسر-ٸنٸڭ ەڭبەك سٸڭٸرگەن ەرتٸسٸ, ال 1999 جىلى قازاقستاننىڭ حالىق ەرتٸسٸ اتاعىنا يە بولدى.
ەنشٸ "SuperStar KZ" جەنە "X Factor" مۋزىكالىق جوبالارىندا قازىلار القاسىنىڭ مٷشەسٸ بولىپ, جاس تالانتتاردىڭ تانىلۋىنا ٷلەس قوستى. بٷگٸندە ناعيما ەسقاليەۆا قازاق ەستراداسىنىڭ دامۋىنا ەلەۋلٸ ەڭبەك سٸڭٸرگەن, بٸرنەشە بۋىن تىڭدارماننىڭ ىقىلاسىنا بٶلەنگەن ٶنەر يەلەرٸنٸڭ بٸرٸ سانالادى.
