اقش-تىڭ يەل ۋنيۆەرسيتەتٸنٸڭ ارحەولوگتارى مەن بريۋسسەلدٸڭ ٶنەر جەنە تاريح كورولدٸك مۋزەيٸنٸڭ ماماندارى تاسقا سالىنعان ەڭ ەجەلگٸ مونۋمەتال يەروگليفتەردٸ تاپتى. ەجەلگٸ مىسىر ەلٸنٸڭ ەل-كاب قالاسىندا جٷرگٸزٸلگەن جۇمىستاردىڭ نەتيجەسٸندە وسى جازبالاردىڭ جاس شاماسى بەس مىڭ جىلدان اساتىنى انىقتالعان, - دەپ حابارلايدى Phys.org.
مونۋمەنتال يەروگليفتەر دەپ ەرتە دەۋٸردەگٸ مىسىر ٶركەنيەتٸندەگٸ جازبالاردى ايتادى. ەرەجە بويىنشا ولاردى حرامداردىڭ قابىرعاسىنا, قوعامدىق جەرلەرگە, قۇدايلار مٷسٸنٸندە جەنە قابٸرلەرگە سالعان. كەيٸنٸرەك مىسىرلىقتار يەروگليفتەردٸڭ باسقا دا تٷرلەرٸن قولدانا باستاعان - تٸزبەك, بۇل مونۋمەنتال نۇسقانىڭ جەڭٸلدەتٸلگەن تٷرٸ.
كەيبٸر سيمۆولداردىڭ ۇزىندىعى جارتى مەترگە دەيٸن جەتەدٸ. وسىعان دەيٸن عالىمدار تەك ەكٸ سانتيمەترلٸك جازبالاردى تاپقان بولاتىن. سونىمەن قاتار, ارحەولوگتار جارتاستاردان پٸلدٸڭ سۋرەتتەرٸن تاپقان.
زەرتتەۋشٸلەردٸڭ ايتۋىنشا, وسى تابىلعان يەروگليف حاتتارى ٶز زامانىندا گەوگرافييالىق تۇرعىدان كەڭ قولدانىلعان جەنە ەرتٷرلٸ بولعان.
