AQSh-tyń Iel ýniversitetiniń arheologtary men Briýsseldiń óner jáne tarih koroldik mýzeiiniń mamandary tasqa salynǵan eń ejelgi monýmetal ieroglifterdi tapty. Ejelgi Mysyr eliniń Ál-Kab qalasynda júrgizilgen jumystardyń nátijesinde osy jazbalardyń jas shamasy bes myń jyldan asatyny anyqtalǵan, - dep habarlaidy Phys.org.
Monýmental ieroglifter dep erte dáýirdegi mysyr órkenietindegi jazbalardy aitady. Ereje boiynsha olardy hramdardyń qabyrǵasyna, qoǵamdyq jerlerge, qudailar músininde jáne qabirlerge salǵan. Keiinirek mysyrlyqtar ieroglifterdiń basqa da túrlerin qoldana bastaǵan - tizbek, bul monýmental nusqanyń jeńildetilgen túri.
Keibir simvoldardyń uzyndyǵy jarty metrge deiin jetedi. Osyǵan deiin ǵalymdar tek eki santimetrlik jazbalardy tapqan bolatyn. Sonymen qatar, arheologtar jartastardan pildiń sýretterin tapqan.
Zertteýshilerdiń aitýynsha, osy tabylǵan ieroglif hattary óz zamanynda geografiialyq turǵydan keń qoldanylǵan jáne ártúrli bolǵan.
