قازاقستاندىق, 13 جاسار زارا داركەن ەۋروپا تەننيس فەدەراتسيياسىنىڭ جاڭارتىلعان جاسٶسپٸرٸمدەر رەيتينگٸسٸندە ٷزدٸك 30 ويىنشىنىڭ قاتارىنا كٸردٸ, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, زارا 14 جاستان اسپاعاندار اراسىندا بٸردەن 60 ساتىعا كٶتەرٸلٸپ, 30-ورىنعا جايعاستى.
مۇنداي سەكٸرٸس جاسٶسپٸرٸم سپورتشىنىڭ ەت (ەۋروپا تەننيسٸ) سەريياسىنداعى تۋرنيرلەردە سەتتٸ ٶنەر كٶرسەتۋٸ ارقاسىندا مٷمكٸن بولدى. سونداي جارىستاردىڭ بٸرٸندە زارا چەمپيون اتانسا, ەكٸنشٸسٸندە فينالعا دەيٸن جەتتٸ. Tennis Park Open by Head دوداسىندا ول تارتىستى ويىندا ۋكراينالىق ەليزاۆەتا كوتليارعا عانا جول بەردٸ.
زارا داركەن – جاسٶسپٸرٸمدەر اراسىندا ٷزدٸك وتىزدىققا ٸلٸككەن ەڭ جاس تەننيسشٸلەردٸڭ بٸرٸ. ول – اقتٶبە قالاسىنداعى تەننيس ورتالىعىنىڭ تەربيەلەنۋشٸسٸ.
«بولاشاقتا مەن ٷلكەن تەننيس تۋرنيرلەرٸندە جەڭٸسكە جەتٸپ, ەلەمنٸڭ بٸرٸنشٸ راكەتكاسى بولعىم كەلەدٸ. ەرلەردەن رافاەل نادالدى, ەيەلدەردەن انجەليكا كەربەردٸ پٸر تۇتامىن. ولاردىڭ ويىندارىن تەلەديداردان كٶرٸپ وتىرامىن. ەرينە, سپورتتا جەڭٸستەر عانا ەمەس, ۇتىلىستار, كٶزگە جاس الاتىن كەزدەر دە بولادى. تەك جاقسى ويناعانىڭىزعا سەنٸمدٸ بولساڭىز عانا سەرگٸپ قالاسىز», دەيدٸ زارا داركەن.
