Qazaqstandyq, 13 jasar Zara Darken Eýropa tennis federatsiiasynyń jańartylǵan jasóspirimder reitingisinde úzdik 30 oiynshynyń qataryna kirdi, dep habarlaidy "Ult aqparat".
Qazaqstan tennis federatsiiasy málim etkenindei, Zara 14 jastan aspaǵandar arasynda birden 60 satyǵa kóterilip, 30-orynǵa jaiǵasty.
Mundai sekiris jasóspirim sportshynyń ET (Eýropa tennisi) seriiasyndaǵy týrnirlerde sátti óner kórsetýi arqasynda múmkin boldy. Sondai jarystardyń birinde Zara chempion atansa, ekinshisinde finalǵa deiin jetti. Tennis Park Open by Head dodasynda ol tartysty oiynda ýkrainalyq Elizaveta Kotliarǵa ǵana jol berdi.
Zara Darken – jasóspirimder arasynda úzdik otyzdyqqa ilikken eń jas tennisshilerdiń biri. Ol – Aqtóbe qalasyndaǵy tennis ortalyǵynyń tárbielenýshisi.
«Bolashaqta men úlken tennis týrnirlerinde jeńiske jetip, álemniń birinshi raketkasy bolǵym keledi. Erlerden Rafael Nadaldy, áielderden Anjelika Kerberdi pir tutamyn. Olardyń oiyndaryn teledidardan kórip otyramyn. Árine, sportta jeńister ǵana emes, utylystar, kózge jas alatyn kezder de bolady. Tek jaqsy oinaǵanyńyzǵa senimdi bolsańyz ǵana sergip qalasyz», deidi Zara Darken.
