قر پارلامەنتٸ مەجٸلٸسٸنٸڭ دەپۋتاتى زاعيپا باليەۆا باق ٶكٸلدەرٸنەن بالانىڭ نازارىنداعى جاڭالىقتاردى تسەنزۋرادان ٶتكٸزٸپ وتىرۋدى سۇرادى, دەپ حابارلايدى قازاقپارات.
«بٸز بٷگٸندە بالالاردى تولىقتاي قورعاۋ جٶنٸندە ايتىپ وتىرمىز. مۇندا ەلەۋمەتتٸك جەلٸلەر مەن تەلەباعدارلامالار دا بار. زاڭنامالىق تۇرعىدا دا ٸشكٸ قاراما-قايشىلىقتار بار, بٸز ولاردى شەشۋٸمٸز كەرەك. قازاقستان اۋماعىنا جاڭالىقتاردان باسقا اقپاراتتىق ٶنٸمدەردٸڭ تاڭبالانۋسىز ٶتپەۋٸ قاجەتتٸگٸن ايتىپ وتىرمىز, بٸراق جاڭالىقتاردا دا كٶرسەتٸلمەۋٸ تيٸس نەرسەلەر بار. بٸزگە باق-پەن بٸرگە وسى تاقىرىپتا اشىق سٶيلەسۋ كەرەك», - دەدٸ ول بالالاردى زيياندى جەنە ولاردىڭ دامۋىنا نۇقسان كەلتٸرەتٸن اقپاراتتاردان قورعاۋ مەسەلەلەرٸنە ارنالعان زاڭ جوباسىن تانىستىرۋ بارىسىندا.
«ولار كٶلٸكتەن جولعا لاقتىرىلعان جاڭا تۋعان شاقالاقتى كٶرسەتكەن كەزدە, بۇل بالالارىمىزعا جاعىمدى ەسەر قالدىرمايتىنى انىق, ولاردىڭ بويىندا قورقىنىش ۇيالايدى. ۇبت كەزٸندە تٷلەكتەر اراسىنداعى سۋيتسيدتٸڭ ستاتيستيكاسىن كٶرسەتكەن كەزدە, ول تۋرالى ويلاماعان بالانىڭ ٶزٸ سول تۋرالى ويلانا باستايدى. سوندىقتان بۇنىڭ ەكٸ قىرى بار. زاڭ شىعارۋشىلار عانا ەمەس, بٸز بارلىعىمىز, باق, اتا-انالار, ينتەرنەت-قاۋىمداستىق, مينيسترلٸكتەر, باسقا دا مەملەكەتتٸك ورگاندار نورمالار مەن ەلەۋمەتتٸك جاۋاپكەرشٸلٸك جٶنٸندە ويلانۋىمىز كەرەك», - دەپ اتاپ ٶتتٸ ز. باليەۆا.
دەپۋتاتتىڭ سٶزٸنشە, كەيدە كەيبٸر تەلەارنالار رەيتينگ ٷشٸن بالانىڭ ٸشكٸ جان-دٷنيەسٸنە كەرٸ ەسەرٸن بەرەتٸن جايتتاردى اشىقتان-اشىق كٶرسەتە بەرەدٸ.
«اتا-انالاردىڭ جاۋاپكەرشٸلٸگٸ تۋرالى شەكسٸز ايتا بەرۋگە بولادى, بٸراق ولار جاۋاپسىز بولسا, وسى كەزدە باق كٶمەككە كەلٸپ, تانىمدىق دەمو-فيلمدەردٸ كٶرسەتۋٸ تيٸس. ٶكٸنٸشكە وراي, اتا-انالاردىڭ بارلىعى بالانى قالاي تەربيەلەۋ كەرەكتٸگٸن بٸلمەيدٸ, بٸراق سولاي ەكەن دەپ بالانى قاۋٸپتٸڭ ورتاسىندا قالدىرۋعا بولمايدى. بٸز بالالاردى ينتەرنەتپەن وڭاشا قالدىرىپ وتىرمىز. بالالارىمىز تەلەارنا قارامايتىن بولدى. بالانىڭ بارلىعى تەلەارنا قارايدى دەپ ويلاماڭىزدار. بٸزدٸڭ جەتكٸنشەكتەر «ينتەرنەت» اتتى ٶزگە ەلەمدە ٶمٸر سٷرٸپ جاتىر. ولاردىڭ بارلىعى Facebook-تە, ەلەۋمەتتٸك جەلٸلەردە وتىرادى. بٸزدە ەلەۋمەتتٸك جەلٸ ارقىلى كەز كەلگەن اقپاراتتى جارييالاي سالاتىن پايدالانۋشىلارعا قاتىستى جاۋاپكەرشٸلٸك جوق. ەلەۋمەتتٸك جەلٸ - جاقسى دٷنيە ەكەنٸ داۋسىز, الايدا ونىڭ ەربٸر قولدانۋشىسى جەلٸگە اقپارات جارييالاماس بۇرىن, جاۋاپكەرشٸلٸكتٸ سەزٸنۋٸ تيٸس», - دەدٸ ز. باليەۆا.
