الماتى قالالىق قوعامدىق كەڭەستٸڭ ونلاين وتىرىسى بارىسىندا ۇلتتىق ساراپتاما ورتالىعىنىڭ ديرەكتورى ارنۇر نۇرتاەۆ تۇرعىنداردى ٶزٸن-ٶزٸ ەمدەمەۋگە جەنە دەرٸحاناعا بارماۋعا شاقىردى, دەپ حابارلايدى قازاقپارات.
«مىسالى, دەنە قىزۋى سەل عانا كٶتەرٸلگەن ادام دەرەۋ انتيبيوتيك ساتىپ الۋعا تىرىسادى. ٸس جٷزٸندە, ۆيرۋستىق پنەۆمونيياعا انتيبيوتيك كٶمەكتەسپەيدٸ, ول تيٸمسٸز, ٶيتكەنٸ انتيبيوتيكتەر باكتەرييالارعا ەسەر ەتەدٸ, بٸراق ۆيرۋستارعا ەمەس. باكتەريياعا قارسى پرەپاراتتاردى قابىلداۋ ارقىلى سٸز يممۋنيتەتٸڭٸزدٸ ەلسٸرەتەسٸز», - دەپ تٷسٸندٸردٸ ا.نۇرتاەۆ.
وتىرىس بارىسىندا, مەديتسينا عىلىمدارىنىڭ كانديداتى رافايل قىپشاقباەۆ ۆيرۋسقا قارسى پرەپاراتتاردى كٶپ مٶلشەردە ساتىپ الماۋعا شاقىردى.
«دەرٸحانالارداعى باعانىڭ ٶسۋٸنە ٶزٸمٸز كٸنەلٸمٸز. ونى ٶزٸمٸز قولدان جاسايمىز. ادامدار دەرٸحانالارعا بارىپ, ۆيرۋسقا قارسى دەرٸ-دەرمەكتەردٸ كٶپتەپ ساتىپ الىپ جاتىر. ەسٸڭٸزدە بولسىن, COVID-19 دەرٸحانالارداعى دەرٸلەر كٶمەكتەسپەيدٸ. ولاردى ساتىپ الۋدىڭ قاجەتٸ جوق. ەلەمدە كوروناۆيرۋسقا قارسى قولداناتىن دەرٸ ەلٸ تابىلعان جوق», - دەپ تٷسٸندٸردٸ دوتسەنت.
ٶز كەزەگٸندە «سك-فارماتسييا» جشس باسقارما تٶراعاسى بەرٸك شەرٸپوۆ دەرٸحانالارداعى كەيبٸر دەرٸ-دەرمەكتەردٸڭ باعاسىنىڭ ٶسۋٸنە بايلانىستى جاعدايدى تٷسٸندٸردٸ.
«جەكەمەنشٸك دەرٸحانالاردا ۆيرۋسقا قارسى دەرٸلەر جوق دەگەن ساۋالدار تۋىنداپ جاتىر. بٸز جەكەمەنشٸك دەرٸحانالارعا جاۋاپ بەرمەيمٸز. ولار ٶز بەتٸنشە جۇمىس ٸستەيدٸ. الايدا, دەنساۋلىق ساقتاۋ مينيسترلٸگٸندە باعانى ٶسٸرمەۋ تۋرالى بۇيرىق بار. مىسالى, بٷگٸن باعاسى 10 تەڭگە بولعان دەرٸنٸ, ەرتەڭ 1000 تەڭگەدەن ساتۋعا بولمايدى. دەرٸحانالار ساتۋعا بولاتىن شەكتٸ باعادان اسپاۋى تيٸس. ەگەر دەرٸحانا وسىنداي قادامدارعا بارسا, وندا ولار ەرەجەنٸ بۇزادى. تيٸسٸنشە, كەز-كەلگەن ازامات زاڭسىز ەرەكەتتەر تۋرالى شاعىمدانا الادى»,- دەپ تٷسٸندٸردٸ ول.
