Almaty qalalyq Qoǵamdyq keńestiń onlain otyrysy barysynda Ulttyq saraptama ortalyǵynyń direktory Arnur Nurtaev turǵyndardy ózin-ózi emdemeýge jáne dárihanaǵa barmaýǵa shaqyrdy, dep habarlaidy QazAqparat.
«Mysaly, dene qyzýy sál ǵana kóterilgen adam dereý antibiotik satyp alýǵa tyrysady. Is júzinde, virýstyq pnevmoniiaǵa antibiotik kómektespeidi, ol tiimsiz, óitkeni antibiotikter bakteriialarǵa áser etedi, biraq virýstarǵa emes. Bakteriiaǵa qarsy preparattardy qabyldaý arqyly Siz immýnitetińizdi álsiretesiz», - dep túsindirdi A.Nurtaev.
Otyrys barysynda, meditsina ǵylymdarynyń kandidaty Rafail Qypshaqbaev virýsqa qarsy preparattardy kóp mólsherde satyp almaýǵa shaqyrdy.
«Dárihanalardaǵy baǵanyń ósýine ózimiz kinálimiz. Ony ózimiz qoldan jasaimyz. Adamdar dárihanalarǵa baryp, virýsqa qarsy dári-dármekterdi kóptep satyp alyp jatyr. Esińizde bolsyn, COVID-19 dárihanalardaǵy dáriler kómektespeidi. Olardy satyp alýdyń qajeti joq. Álemde koronavirýsqa qarsy qoldanatyn dári áli tabylǵan joq», - dep túsindirdi dotsent.
Óz kezeginde «SK-Farmatsiia» JShS basqarma tóraǵasy Berik Sháripov dárihanalardaǵy keibir dári-dármekterdiń baǵasynyń ósýine bailanysty jaǵdaidy túsindirdi.
«Jekemenshik dárihanalarda virýsqa qarsy dáriler joq degen saýaldar týyndap jatyr. Biz jekemenshik dárihanalarǵa jaýap bermeimiz. Olar óz betinshe jumys isteidi. Alaida, Densaýlyq saqtaý ministrliginde baǵany ósirmeý týraly buiryq bar. Mysaly, búgin baǵasy 10 teńge bolǵan dárini, erteń 1000 teńgeden satýǵa bolmaidy. Dárihanalar satýǵa bolatyn shekti baǵadan aspaýy tiis. Eger dárihana osyndai qadamdarǵa barsa, onda olar erejeni buzady. Tiisinshe, kez-kelgen azamat zańsyz áreketter týraly shaǵymdana alady»,- dep túsindirdi ol.
