ەلوردادا ٶتٸپ جاتقان شىۇ-عا مٷشە مەملەكەتتەر باسشىلارى كەڭەسٸنٸڭ كەڭەيتٸلگەن وتىرىسىندا ٷندٸستان مەن پەكٸستان رەسمي تٷردە شىۇ-عا مٷشە بولدى, دەپ حابارلايدى "ۇلت اقپارات".
ەلوردانىڭ تەۋەلسٸزدٸك سارايىنداعى ۇيىم سامميتٸ بارىسىندا مەملەكەت باسشىلارى ٷندٸستان مەن پەكٸستاندى شىۇ-عا قابىلداۋ پروتسەسٸن اياقتاۋ جەنە مٷشە مەرتەبەسٸن بەرۋ تۋرالى تاريحي كەلٸسٸمگە قول قويدى.
«بٷگٸن 2017 جىلدىڭ 9 ماۋسىمىندا, استانادا تاريحي وقيعا بولدى. بٸز ۇيىمىزعا كٸرۋ ٷشٸن بارلىق مٸندەتتەمەلەردٸ ورىنداعان ەكٸ جاڭا مٷشەنٸ - ٷندٸستان رەسپۋبليكاسى مەن پەكٸستان يسلام رەسپۋبليكاسىن قابىلدادىق. وسىلايشا, شىۇ ٸس جٷزٸندە عالامشار حالقىنىڭ نەگٸزگٸ بٶلٸگٸن ٶز قۇرامىنا قوسۋ ارقىلى ەلەمدٸك ساياسات پەن ەلەمدٸك ەكونوميكانىڭ قوزعاۋشى كٷشٸنە اينالدى. ٶزٸمنٸڭ جەنە سٸزدەردٸڭ اتتارىڭىزدان تولىق قۇقىلى مٷشە مەملەكەت رەتٸندە شىۇ-عا كٸرۋٸمەن نارەندرا مودي مەن مۋحاماد ناۆاز شاريفتى قۇتتىقتاۋعا رۇقسات ەتٸڭٸزدەر», - دەدٸ قازاقستان پرەزيدەنتٸ تاريحي قۇجاتقا قول قويىلعاننان كەيٸن.
ايتا كەتەرلٸگٸ, قول قويۋ رەسٸمٸنە ٷندٸستان پرەمەر-مينيسترٸ نارەندرا مودي مەن پەكٸستان يسلام رەسپۋبليكاسىنىڭ پرەمەر-مينيسترٸ مۋحاماد ناۆاز شاريف قاتىستى.
