فوتو: Polisia.kz
الماتى وبلىسىنىڭ بالقاش اۋدانىندا درونداردىڭ كٶمەگٸمەن قۇرامىندا ەسٸرتكٸ بار قاراسورا ەگٸلگەن پلانتاتسييا انىقتالدى, – دەپ حابارلايدى "ۇلت اقپارات" Polisia.kz-كە سٸلتەمە جاساپ.
پورتال مەلٸمەتٸنشە, الماتى قالاسىنىڭ تۇرعىنى شالعايداعى بٸر گەكتار جەردە “ٷندٸ” قاراسوراسىن ٶسٸرگەن.
"پلانتاتسييانى انىقتاعاننان كەيٸن پوليتسەيلەر بٸردەن بەس توننادان استام ەسٸرتكٸ قاراسوراسىن جويدى. ٶسٸمدٸكتەردٸ جويۋ بٸرنەشە كٷنگە سوزىلدى. نەتيجەسٸندە قاراسورا القابىنداعى ٶنٸمنٸڭ جالپى سالماعى 10 توننادان استى.
ٸٸم-دە تٷسٸندٸرگەندەي, قىلمىسكەرلەر كٶپ جاعدايدا ٷندٸ قاراسوراسىنىڭ سورتىن ونىڭ جوعارى ەسٸرتكٸلٸك دەڭگەيٸ مەن بۇتاسىنىڭ ٷلكەن كٶلەمٸنە بايلانىستى تاڭدايدى. مۇنداي ٶسٸمدٸكتٸڭ ساباعى تٶرت مەترگە جەتٸپ, سالماعى بٸر كيلوگرامنان اسادى.
اتالمىش قىلمىسقا قاتىسى بار كٷدٸكتٸ قۇرىقتالدى. وعان قاتىستى قۇرامىندا ەسٸرتكٸ بار ٶسٸمدٸكتەردٸ ٶسٸرگەنٸ ٷشٸن قىلمىستىق كودەكستٸڭ 300-بابىنىڭ 2-بٶلٸگٸ بويىنشا قىلمىستىق ٸس قوزعالدى. جازا سەگٸز جىلعا دەيٸن باس بوستاندىعىنان ايىرۋدى كٶزدەيدٸ" - دەلٸنگەن حابارلامادا.
وسى فاكتٸ بويىنشا تەرگەۋ جالعاسىپ جاتىر.
