Foto: Polisia.kz
Almaty oblysynyń Balqash aýdanynda drondardyń kómegimen quramynda esirtki bar qarasora egilgen plantatsiia anyqtaldy, – dep habarlaidy "Ult aqparat" Polisia.kz-ke silteme jasap.
Portal málimetinshe, Almaty qalasynyń turǵyny shalǵaidaǵy bir gektar jerde “úndi” qarasorasyn ósirgen.
"Plantatsiiany anyqtaǵannan keiin politseiler birden bes tonnadan astam esirtki qarasorasyn joidy. Ósimdikterdi joiý birneshe kúnge sozyldy. Nátijesinde qarasora alqabyndaǵy ónimniń jalpy salmaǵy 10 tonnadan asty.
IIM-de túsindirgendei, qylmyskerler kóp jaǵdaida úndi qarasorasynyń sortyn onyń joǵary esirtkilik deńgeii men butasynyń úlken kólemine bailanysty tańdaidy. Mundai ósimdiktiń sabaǵy tórt metrge jetip, salmaǵy bir kilogramnan asady.
Atalmysh qylmysqa qatysy bar kúdikti quryqtaldy. Oǵan qatysty quramynda esirtki bar ósimdikterdi ósirgeni úshin Qylmystyq kodekstiń 300-babynyń 2-bóligi boiynsha qylmystyq is qozǵaldy. Jaza segiz jylǵa deiin bas bostandyǵynan aiyrýdy kózdeidi" - delingen habarlamada.
Osy fakti boiynsha tergeý jalǵasyp jatyr.
