جٷسٸپبەك ايماۋىتوۆ اۋىلىنان اتتانعان «ۇلىلارعا تاعزىم – ۇرپاققا امانات» سالت اتتى ساپارى جۇمات شانين اۋىلىنا ات باسىن تٸرەدٸ. سال-سەرٸلٸك دەستٷردٸ جالعاۋشى توپتى اۋىل ەكٸمٸ تاڭات ساعىنتاەۆ پەن اۋىل اقساقالدارى قارسى الدى.
بٷگٸنگٸ كٷننٸڭ سەرٸلەرٸ تۇڭعىش قازاق تەاترىنىڭ نەگٸزٸن قالاۋشى جۇمات شانين اۋىلىندا «الاش» پارتيياسىنىڭ قۇرىلعانىنا 100 جىل تولۋىنا وراي ۇيىمداستىرىلعان مەرەكەلٸك كونتسەرتكە قاتىستى.
ساياحاتشىلار جۇمات شانين اۋىلىنا بارار جولدا ارنايى ەنەت تاۋى ەتەگٸندە ورنالاسقان ماقاش قىستاۋىنا تٷستٸ. قىستاۋ يەسٸ سٷتجان كەرٸموۆتىڭ جول باستاۋىمەن ەسكٸ مەشٸت ورىنىمەن تانىستى. «بۇل جەر نۇرعالي موللا مەشٸتٸنٸڭ ورنى. نۇرعالي ٶز زامانىندا ترويتسك مەدٸرەسەسٸن بٸتٸرگەن بەس قازاقتىڭ بٸرٸ. حٷٸٸٸ-حٸح عاسىرلاردا قۇلبولدى-مايلىتوننان مۇعالٸم مەن مولدالاردىڭ كٶكتەپ شىعۋىنىڭ سىرى وسىندا» - دەدٸ وسىناۋ ٶلكەنٸڭ تاريحىن جاستايىنان تانىپ ٶسكەن سٷتجان كەرٸموۆ.
قىستاۋ ماڭىندا قازاقتىڭ تاعى بٸر اسىل پەرزەنتٸنٸڭ بەيٸتٸ ورنالاسقان. ەكٸباستۇز اتاۋىنىڭ پايدا بولۋى مەن ەيٸلٸ كٶمٸر كەنٸشٸنٸڭ اشىلۋىنا تٸكەلەي سەپتٸگٸ تيگەن گەولوگ قوسىم پٸشەنباەۆ وسى قىستاۋ ماڭىندا جەرلەنگەن.
ماقاش قىستاۋىنان اسا بەرە ەۋليەبۇلاقتان سۋسىنىن قاندارعان جولاشىلارعا, اتتى ساپار باسشىسى ورال راحماشۇلى وسى ماڭنىڭ سىرىن بايان ەتتٸ: «بۇل جەر بٸزدٸڭ اتالارىمىز اقبۋرا قارقىنباي مىرزانىڭ قونىسى بولعان. وسى ماڭدا «قارقانبايدىڭ ساباسىن» بٸلمەيتٸن قازاق جوق. شوڭ بي سٷيٸندٸكتٸڭ اتىنان قاراكەسەك قونىسبايعا اس بەرەدٸ. سول استا قوناقتاردى قىمىزبەن قامتۋدى بٸزدٸڭ اتامىزعا جٷكتەيدٸ. تٶرت قۇلا ايعىردىڭ تەرٸسٸنەن جاسالعان سابانىڭ جان جاعىنان كەرەگە تارتىلىپ, كيٸز ٷي قۇرىلعان ەكەن. سول سابانى ٷش اتتى جٸگٸت تۇرىپ پٸسەتٸن كٶرٸنەدٸ. اس بارىسىندا قىمىز بٸر سەت تە ٷزٸلمەي جەتٸپ تۇرعان. مەيرامنىڭ بەس بالاسىنا تٷگەلدەي جەتتٸ دەيتٸن كٶرٸنەدٸ ەل. سابانى تولتىرۋ ٷشٸن 300 بيە ساۋىلعان».
جۇمات شانين دٷنيەگە كەلگەن شانا قازٸرگٸ ۋاقىتتا قاراعاندى وبلىسىنىڭ اۋماعىنا ٶتٸپ كەسە دە, رەجيسسەر اتىنداعى اۋىل دارا دارىنننىڭ ەسٸمٸن ەلەۋسٸز قالدىرماعىن. مەيمانداردى اق كٶڭٸلٸمەن اق تٶسەپ قارسى العان جۇرتتىڭ كٶڭٸلٸ شات-شادىمان. ساقاسىن يٸرٸپ شۋىلداسىپ تۇرعان توپ بالا كٶزگە تٷستٸ بٸردەن. اۋىل بالالارىنىڭ ۇلتتىق ويىندى دەرٸپتەپ, بويىنا سٸڭٸرٸپ جاتقانى جانىمىزدى جادىراتتى.
مەكتەپ اتاۋى دا اقىن, «الاشتىڭ» اردا ازاماتى قوشكە كەمەڭگەروۆتىڭ ەسٸمٸن يەلەنگەن. وسىناۋ ٶڭٸردە سۋىرىپ سالما اقىندار قوبىلان بٶرٸبايۇلى, تيىشتىعۇل مانابايۇلى, «ەندٸ ەرتتەپ, كٷيدٸ مٸنگەن» ەنشٸلەر جارىلعاپبەردٸ جۇمابايۇلى, قالي بايجانوۆ دٷنيەگە كەلگەن. وسىنداي پەرزەنتتەردٸڭ مەكەنٸندە حالىق كومپوزيتورلارنىڭ ەندەرٸ ەۋەلەدٸ.
كەزدەسۋ سوڭىندا اتتى شەرۋ مٷشەلەرٸ بايان ٶڭٸرٸنٸڭ گيمٸنٸنە اينالعان «باياناۋىل ۆالسٸن» شىرقادى. «الماتىدان الىستا بولسا داعى, الاتاۋدان اۋمايتىن» ٶڭٸردٸڭ پەرزەنتتەرٸنە تاعزىم ەتٸپ جٷرگەن توپ جاياۋ مۇسا اۋىلىنا جول تارتتى.
ارنايى ۇلت پورتالى ٷشٸن جۇمات شانين اۋىلىنان ەلامان قابدٸلەشٸم
