سالت اتتى ساياحاتشىلار جوڭعار باسقىنشىلارىنا قارسى كٷرەسكەن ەيگٸلٸ قازاق باتىرى جاسىباي ٶمٸرۇلىنىڭ بەيٸتٸنە تاعزىم ەتتٸ.
جولدا سۇلتانماحمۇت تورايعىروۆ اۋىلىنىڭ ماڭىندا ورنالاسقان ەل ٸشٸندە ەبجالاپ ەۋليە اتانعان جۇماتاي تىشقانبايۇلىنىڭ بەيٸتٸنە ايالداپ, قۇران باعىشتادى. ەۋليە اتانعان جۇماتاي اۋرۋ-سىرقاۋ جاندارعا, مٷسەپٸر, كەدەي-كەپشٸككە قامقور بولعان جان. مەشھٷر جٷسٸپ كٶپەەۆپەن اسا سىيلاس بولعان. ەل ٸشٸندە مەشھٷر اتاعا: «سەنٸڭ دەنەڭ شٸرٸمەيدٸ, مەنٸڭ دەنەم جەردە قالمايدى» – دەپتٸ – دەلٸنەتٸن اڭىزدار كەڭ تارالعان.
كەلەر جىلى 125 جىلدىعى اتالىپ ٶتٸلەتٸن الاشتىڭ اردا اقىنى, نەبەرٸ 27 جىل عۇمىر كەشكەن سۇلتانماحمۇت تورايعىروۆ اۋىلىندا بولىپ, اقىن اتىنداعى مۇراجايعا اتباسىن تٸرەدٸ. شوڭ بي مەشٸتٸندە بولدى.
قاراڭعى قازاق كٶگٸنە ٶرمەلەپ شىعىپ كٷن بولعان اقىننىڭ كەسەنەسٸنە دە ايالداپ, قۇران باعىشتادى.
بۇدان ەرٸ تورايعىر جەنە جاسىباي كٶلدەرٸن جاعالاي جٷرٸپ شامامەن 1716-1741 جىلدارى ٶمٸر سٷرگەن جاسىباي باتىر ٶمٸرۇلىنىڭ بەيٸتٸندە بولدى. شىققان تەگٸ – ارعىن تايپاسىنىڭ بەسەنتين رۋى. ەكەسٸ ٶمٸر وت اۋىزدى, وراق تٸلدٸ شەشەن ادام بولعان ەكەن. اناسى – قازاقتىڭ اتاقتى باتىرى ولجابايدىڭ اپاسى.
شەجٸرە دەرەكتەرٸندە جاسىباي باتىردى «ولجابايدىڭ جيەنٸ» دەيتٸنٸ دە سوندىقتان. جاسىباي باياناۋىل ٶڭٸرٸن قالماقتاردان ازات ەتۋدە ٷلكەن ەرلٸك كٶرسەتكەن باتىر.
ارنايى ۇلت پورتالى ٷشٸن ەلامان قابدٸلەشٸم
