Salt atty saiahatshylar jońǵar basqynshylaryna qarsy kúresken áigili qazaq batyry Jasybai Ómirulynyń beiitine taǵzym etti.
Jolda Sultanmahmut Toraiǵyrov aýylynyń mańynda ornalasqan el ishinde Ábjalap áýlie atanǵan Jumatai Tyshqanbaiulynyń beiitine aialdap, quran baǵyshtady. Áýlie atanǵan Jumatai aýrý-syrqaý jandarǵa, músápir, kedei-kepshikke qamqor bolǵan jan. Máshhúr Júsip Kópeevpen asa syilas bolǵan. El ishinde Máshhúr ataǵa: «Seniń deneń shirimeidi, meniń denem jerde qalmaidy» – depti – delinetin ańyzdar keń taralǵan.
Keler jyly 125 jyldyǵy atalyp ótiletin alashtyń arda aqyny, nebári 27 jyl ǵumyr keshken Sultanmahmut Toraiǵyrov aýylynda bolyp, aqyn atyndaǵy murajaiǵa atbasyn tiredi. Shoń bi meshitinde boldy.
Qarańǵy qazaq kógine órmelep shyǵyp kún bolǵan aqynnyń kesenesine de aialdap, quran baǵyshtady.
Budan ári Toraiǵyr jáne Jasybai kólderin jaǵalai júrip shamamen 1716-1741 jyldary ómir súrgen Jasybai batyr Ómirulynyń beiitinde boldy. Shyqqan tegi – Arǵyn taipasynyń Básentin rýy. Ákesi Ómir ot aýyzdy, oraq tildi sheshen adam bolǵan eken. Anasy – qazaqtyń ataqty batyry Oljabaidyń apasy.
Shejire derekterinde Jasybai batyrdy «Oljabaidyń jieni» deitini de sondyqtan. Jasybai Baianaýyl óńirin qalmaqtardan azat etýde úlken erlik kórsetken batyr.
Arnaiy Ult portaly úshin Elaman QABDILÁShIM
