فوتو: مۋحتور حولدوربەكوۆ/Kazinform
باعدارلاما رەسمي تٷردە 2024 جىلدىڭ 1 قاڭتارىندا باستالدى. ونىڭ شەڭبەرٸندە 2006 جىلدان باستاپ تۋىلعان ەربٸر بالاعا ۇلتتىق قوردان جىل سايىن قاراجات اۋدارۋ كٶزدەلگەن. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
مەديتسينالىق جەنە ەلەۋمەتتٸك قولداۋ جٷيەسٸن تولىقتىرا وتىرىپ, مەملەكەت بولاشاق ۇرپاق ٷشٸن قارجىلىق تۇراقتىلىقتىڭ ۇزاقمەرزٸمدٸ تەتٸكتەرٸن ەنگٸزٸپ جاتىر. مۇنداي تەتٸك 2022 جىلعى 1 قىركٷيەكتە پرەزيدەنت قاسىم-جومارت توقاەۆتىڭ «ەدٸلەتتٸ مەملەكەت. بٸرتۇتاس ۇلت. بەرەكەلٸ قوعام» اتتى قازاقستان حالقىنا جولداۋىندا جارييالانعان «ۇلتتىق قور — بالالارعا» جوباسى بولدى.
جوبانى ٷكٸمەت قارجى مينيسترلٸگٸ ارقىلى ٸسكە اسىرادى جەنە ۇلتتىق قوردىڭ جىل سايىنعى ينۆەستيتسييالىق تابىسىنىڭ 50%-ىن بالالاردىڭ 18 جاسقا تولعانعا دەيٸنگٸ ارنايى جيناقتاۋشى شوتتارىنا مەرزٸمٸنەن بۇرىن الۋ قۇقىعىنسىز اۋدارۋدى كٶزدەيدٸ. جيناقتالعان قارجىنى تۇرعىن ٷي ساتىپ الۋعا جەنە بٸلٸم الۋعا پايدالانۋعا بولادى.
باعدارلاما رەسمي تٷردە 2024 جىلدىڭ 1 قاڭتارىندا باستالدى. ونىڭ شەڭبەرٸندە 2006 جىلدان باستاپ تۋىلعان ەربٸر بالاعا ۇلتتىق قوردان جىل سايىن قاراجات اۋدارۋ كٶزدەلگەن.
قارجى مينيسترلٸگٸنٸڭ مەلٸمەتٸنشە, ٶتكەن جىلى باعدارلاماعا 6 919 131 ادام — 2006 جىلدان 2023 جىلعا دەيٸن قوسا العاندا تۋىلعان بالالار قاتىستى. ولاردىڭ ەرقايسىسىنا $100,52 ەسەپتەلدٸ.
ەسەپتەۋدٸڭ جالپى سوماسى $695,5 ملن-دى قۇرادى. ۇلتتىق قوردان اقشا ەسەپتەلگەن بالالاردىڭ جالپى سانىنان 2024 جىلى 304 815 ادام 18 جاسقا جەتتٸ, ولارعا جالپى سوماسى $30,6 ملن اۋدارىلدى.
2025 جىلى قاتىسۋشىلار سانى 6 921 035 بالاعا دەيٸن ٶستٸ, ونىڭ 324 430-ى بيىل 18 جاسقا تولادى, ال ەسەپتەۋلەر $129,38 قۇرادى.
باعدارلاماعا ەكٸ جىلدان بەرٸ قاتىسىپ كەلە جاتقان بالالاردا ينۆەستيتسييالىق كٸرٸستٸ قوسا ەسەپتەگەندە, جيناقتاردىڭ جالپى سوماسى — $232,94. ۇلتتىق قوردان بەرٸلگەن جالپى سوما $1,5 ملرد-تى قۇرادى.
قاراجات بالا 18 جاسقا تولعانعا دەيٸن جيناقتالادى, سودان كەيٸن ولاردى تۇرعىن ٷي جاعدايلارىن جاقسارتۋعا نەمەسە وقۋ اقىسىن تٶلەۋگە پايدالانۋعا بولادى. وسى ماقساتتارعا 118 مىڭنان استام ٶتٸنٸم بەرٸلدٸ, ونىڭ 97 مىڭى ورىندالدى. جالپى سوماسى $11 ملن 399,1 مىڭ. اتاپ ايتقاندا, تۇرعىن ٷي جاعدايلارىن جاقسارتۋعا 63 871 ٶتٸنٸم بەرٸلدٸ, ونىڭ ٸشٸندە 56 591 ٶتٸنٸم ورىندالدى جەنە $6, 647,9 ملن تٶلەندٸ. وقۋ اقىسىن تٶلەۋگە 54 270 ٶتٸنٸم بەرٸلدٸ, ونىڭ ٸشٸندە 40 466 ٶتٸنٸم ورىندالدى جەنە $4,751,2 ملن تٶلەندٸ.
بٷگٸنگٸ تاڭدا «ۇلتتىق قور — بالالارعا» باستاماسى ەربٸر بالانىڭ بولاشاعى ٷشٸن قارجىلىق بازا قۇرۋعا باعىتتالعان ۇزاقمەرزٸمدٸ مەملەكەتتٸك قولداۋ نىسانى بولىپ سانالادى.
