پرەزيدەنت قاسىم-جومارت توقاەۆ قازاقستاندا جاساندى ينتەللەكتٸگە نەگٸزدەلگەن تسيفرلىق ەكونوميكا قالىپتاستىرۋ قاجەتتٸگٸن مەلٸمدەدٸ. مەملەكەت باسشىسى بۇل باعىتتاعى جۇمىستى جٷيەلٸ جالعاستىرىپ, ٷكٸمەتتٸ, ۇلتتىق كومپانييالار مەن كرەاتيۆتٸ يندۋسترييا ٶكٸلدەرٸن ورتاق ٸسكە بەلسەندٸ اتسالىسۋعا شاقىردى, دەپ حابارلايدى ult.kz.
پرەزيدەنتتٸڭ ايتۋىنشا, بيىل تسيفرلاندىرۋ جەنە جاساندى ينتەللەكت جىلى اياسىندا وزىق تەحنولوگييالارعا نەگٸزدەلگەن مەملەكەت قۇرۋعا سەرپٸن بەرٸلدٸ. ەندٸگٸ مٸندەت – وسى باستامالاردى جالعاستىرىپ, ەكونوميكانىڭ جاڭا مودەلٸن قالىپتاستىرۋ.
«ەندٸ بۇل جۇمىستى ەرٸ قاراي جٷيەلٸ جالعاستىرىپ, جاساندى ينتەللەكتٸگە نەگٸزدەلگەن تسيفرلىق ەكونوميكا قۇرۋىمىز قاجەت. ٷكٸمەت, ۇلتتىق كومپانييالار, كرەاتيۆتٸ يندۋسترييا سەكتورى وسى ٷدەرٸسكە بەلسەندٸ اتسالىسۋعا تيٸس», – دەدٸ قاسىم-جومارت توقاەۆ.
مەملەكەت باسشىسى جاڭا دەۋٸردٸڭ تالاپتارىنا ساي دامۋ ٷشٸن ەسكٸرگەن تەسٸلدەردەن ارىلىپ, قوعام دامۋىنىڭ جاڭا نەگٸزٸن قالىپتاستىرۋ كەرەكتٸگٸن اتاپ ٶتتٸ. ونىڭ سٶزٸنشە, بۇل – بولاشاق ۇرپاقتىڭ لايىقتى ٶمٸر سٷرۋٸنە مٷمكٸندٸك بەرەتٸن ۇزاق مەرزٸمدٸ جالپىۇلتتىق مٸندەت.
«بولاشاقتىڭ ەكونوميكاسىن قۇرۋ ٷشٸن تاپتاۋرىن تٷسٸنٸكتەر مەن ەسكٸرگەن تەسٸلدەردەن بٸرجولا ارىلۋىمىز قاجەت», – دەدٸ پرەزيدەنت.
سونىمەن قاتار قاسىم-جومارت توقاەۆ تسيفرلىق دەۋٸردٸڭ كٷردەلٸ ەرٸ تٷرلٸ قاۋٸپ-قاتەرگە تولى بولۋىنا قاراماستان, ەلدٸڭ ستراتەگييالىق ماقساتى ٶزگەرمەيتٸنٸن جەتكٸزدٸ.
«بۇل – جاڭا تۇرپاتتى مەملەكەت قۇرۋ, جاڭعىرۋ مەن جاڭارۋ جولىنان اينىماۋ», – دەپ اتاپ ٶتتٸ مەملەكەت باسشىسى.
