Prezident Qasym-Jomart Toqaev Qazaqstanda jasandy intellektige negizdelgen tsifrlyq ekonomika qalyptastyrý qajettigin málimdedi. Memleket basshysy bul baǵyttaǵy jumysty júieli jalǵastyryp, Úkimetti, ulttyq kompaniialar men kreativti indýstriia ókilderin ortaq iske belsendi atsalysýǵa shaqyrdy, dep habarlaidy ult.kz.
Prezidenttiń aitýynsha, biyl Tsifrlandyrý jáne jasandy intellekt jyly aiasynda ozyq tehnologiialarǵa negizdelgen memleket qurýǵa serpin berildi. Endigi mindet – osy bastamalardy jalǵastyryp, ekonomikanyń jańa modelin qalyptastyrý.
«Endi bul jumysty ári qarai júieli jalǵastyryp, jasandy intellektige negizdelgen tsifrlyq ekonomika qurýymyz qajet. Úkimet, ulttyq kompaniialar, kreativti indýstriia sektory osy úderiske belsendi atsalysýǵa tiis», – dedi Qasym-Jomart Toqaev.
Memleket basshysy jańa dáýirdiń talaptaryna sai damý úshin eskirgen tásilderden arylyp, qoǵam damýynyń jańa negizin qalyptastyrý kerektigin atap ótti. Onyń sózinshe, bul – bolashaq urpaqtyń laiyqty ómir súrýine múmkindik beretin uzaq merzimdi jalpyulttyq mindet.
«Bolashaqtyń ekonomikasyn qurý úshin taptaýryn túsinikter men eskirgen tásilderden birjola arylýymyz qajet», – dedi Prezident.
Sonymen qatar Qasym-Jomart Toqaev tsifrlyq dáýirdiń kúrdeli ári túrli qaýip-qaterge toly bolýyna qaramastan, eldiń strategiialyq maqsaty ózgermeitinin jetkizdi.
«Bul – jańa turpatty memleket qurý, jańǵyrý men jańarý jolynan ainymaý», – dep atap ótti Memleket basshysy.
