فوتو: ۇعا
كٷنٸ كەشە ۇلتتىق عىلىم اكادەميياسىن ەرٸكتٸ تٷردە تاراتۋعا قاتىستى تاريحي شەشٸم قابىلداندى, دەپ حابارلادى ۇعا باسپاسٶز قىزمەتٸ.
27 ناۋرىزدا الماتىدا 2003 جىلى قوعامدىق ۇيىم رەتٸندە قۇرىلعان ۇلتتىق عىلىم اكادەميياسىنىڭ جالپى جينالىسى ٶتتٸ.
"جيىن بارىسىندا بٸراۋىزدان ۇلتتىق عىلىم اكادەميياسىنىڭ اكادەميكتەرٸن پرەزيدەنت جانىنداعى قر ۇعا (جوعارى عىلىمي ۇيىم) قۇرامىنا ترانسفورماتسييالاۋ "قر ۇلتتىق عىلىم اكادەميياسى" رەسپۋبليكالىق قوعامدىق بٸرلەستٸگٸن ۇيىم جارعىسىندا كٶرسەتٸلگەن بارلىق تالاپتاردى ساقتاي وتىرىپ ەرٸكتٸ تٷردە تاراتۋعا قاتىستى تاريحي شەشٸم قابىلداندى. جالپى جينالىسقا قاتىسقان اكادەميكتەر ەلدٸڭ عىلىمي ەلەۋەتٸن بٸر ورتالىققا شوعىرلاندىرۋدى كٶزدەگەن ازاماتتىق ۇستانىمعا قولداۋ بٸلدٸردٸ", - دەپ حابارلادى ۇعا باسپاسٶز قىزمەتٸ.
بۇل شەشٸم پرەزيدەنت جانىنداعى ۇلتتىق عىلىم اكادەميياسىنىڭ قىزمەتٸنە ۇقساس فۋنكتسييالاردىڭ قايتالانۋىن بولدىرماي, ونى جاڭا فورماتتاعى بٸرەگەي ەرٸ ورنىقتى عىلىمي ورتالىق رەتٸندە ەكٸ اكادەمييا عالىمدارىنىڭ عىلىمي پوتەنتسييالىن بٸرٸكتٸرٸپ نىعايتۋعا مٷمكٸندٸك بەرەدٸ دەلٸنگەن.
پرەزيدەنت جانىنداعى ۇلتتىق عىلىم اكادەميياسى 2023 جىلى قۇرىلعان بولاتىن. سول كەزدەن باستاپ عىلىمدى تۇراقتى قارجىلاندىرۋ قامتاماسىز ەتٸلٸپ, اكادەميكتەردٸ اشىق سايلاۋ ٸسٸ جولعا قويىلدى. اكادەمييا مەملەكەتتٸك مەرتەبەگە يە, قازٸرگٸ تاڭدا ول عىلىمدى ستراتەگييالىق تۇرعىدا دامىتۋدى, باسىم باعىتتاردى عىلىمي-تالدامالىق تۇرعىدا قولداۋدى, سونداي-اق حالىقارالىق اكادەمييالىق قاۋىمداستىقپەن ٶزارا ٸس-قيمىلدى قامتاماسىز ەتٸپ كەلەدٸ.
2024 جىلى قابىلدانعان "عىلىم جەنە تەحنولوگييالىق ساياسات تۋرالى" زاڭعا سەيكەس, اكادەميياعا جوعارى عىلىمي ۇيىم مەرتەبەسٸ بەرٸلدٸ. الداعى ۋاقىتتا عىلىمي ەلەۋەتتەرٸن بٸرٸكتٸرگەن عىلىم اكادەميياسى حالىقارالىق دەڭگەيدە ٸرٸ عىلىمي جاڭالىقتارعا قول جەتكٸزۋگە مٷمكٸندٸك الدى, 2026 جىلى 1946 جىلدان باستاۋ الاتىن قازاقستاننىڭ ۇلتتىق اكادەميياسىنىڭ 80 جىلدىق مەرەيتويى كٷتٸلۋدە.
بۇعان دەيٸن ۇلتتىق عىلىم جەنە تەحنولوگييالار كەڭەسٸنٸڭ وتىرىسىندا مەملەكەت باسشىسى اتاپ ٶتكەندەي, "عىلىمى مىقتى ەلدٸڭ مەملەكەتٸ دە قۋاتتى بولادى. عىلىمسىز ەل – قۇردىمعا كەتەدٸ. ال عىلىمى وزىق ەل كەز كەلگەن داعدارىستى ەڭسەرە الادى".
سالالىق مينيسترلٸك قۇرىلعان سەتتەن باستاپ مەملەكەت باسشىسى عىلىمنىڭ ەكونوميكاعا ىقپالىن كٷشەيتۋدٸ, ونى يننوۆاتسييالارمەن تىعىز بايلانىستىرۋدى, سونداي-اق ناقتى ٸس تىندىرۋعا باعىتتالعان عىلىمي ساياساتتى جولعا قويۋدى تاپسىرعان بولاتىن.
"2023 جىلى جوعارى بٸلٸم مەن عىلىمدى دامىتۋدىڭ 2023–2029 جىلدارعا ارنالعان تۇجىرىمداماسى جەنە "عىلىم جەنە تەحنولوگييالىق ساياسات تۋرالى" جاڭا زاڭ قابىلداندى. سونىڭ ارقاسىندا جاس عالىمداردى قولداۋعا, ۋنيۆەرسيتەتتٸك عىلىمدى دامىتۋعا, عىلىمي جاڭالىقتاردى كوممەرتسييالاندىرۋعا جەنە ٶڭٸرلەردەگٸ عىلىمي ينفراقۇرىلىمدى نىعايتۋعا ايرىقشا كٶڭٸل بٶلٸنۋدە.
سوندىقتان قوعامدىق بٸرلەستٸكتٸڭ جالپى جينالىسىندا قابىلدانعان بٷگٸنگٸ شەشٸم – عىلىمي ساباقتاستىقتى ساقتاۋ, عىلىمي قاۋىمداستىقتىڭ اۋىزبٸرلٸگٸن ارتتىرۋ, عىلىم مەن ٶندٸرٸس اراسىنداعى بايلانىستى كٷشەيتۋ جولىنداعى ماڭىزدى قادام", - دەلٸنگەن حابارلامادا.
