فوتو ©نۇرعيسا ەلەۋبەكوۆ
حالىقتىڭ ەڭبەك ەتۋدەن تٷسەتٸن تابىسىنىڭ ٷلەسٸ سوڭعى 10 جىلدا 10,8 پايىزدىق تارماققا تٶمەندەدٸ. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
«وسى جىلعى 11 قاڭتاردا مەملەكەت باسشىسى مەجٸلٸس وتىرىسىندا سٶيلەگەن سٶزٸندە حالىقتىڭ جۇمىسپەن قامتىلۋى مەن تابىسىنىڭ تٶمەندٸگٸ پروبلەمالارىنا توقتالىپ, حالىقتىڭ تابىسىن ارتتىرۋ باعدارلاماسىن ەزٸرلەۋدٸ تاپسىردى. وسى تاپسىرمانى ورىنداۋ ماقساتىندا ۇلتتىق ەكونوميكا مينيسترلٸگٸ مەملەكەتتٸك ورگاندارمەن, ۇلتتىق كەسٸپكەرلەر پالاتاسىمەن جەنە ساراپشىلىق قاۋىمداستىقپەن بٸرلەسٸپ, كەدەيشٸلٸك پەن جۇمىسسىزدىق دەڭگەيٸ بويىنشا ناقتى جاعدايعا تالداۋ جٷرگٸزٸپ, باعدارلاما جوباسىن ەزٸرلەدٸ. تالداۋ نەتيجەلەرٸ بويىنشا تۇراقتى وڭ ديناميكاعا قاراماستان, سوڭعى ەكٸ جىلدا حالىقتىڭ ناقتى اقشالاي تابىسىنىڭ ٶسۋ قارقىنى 2019 جىلعى 6,4 پايىزدان 2021 جىلى 2,9 پايىزعا دەيٸن باياۋلاعانى ايقىندالدى», - دەدٸ مينيستر.
سونىمەن قاتار ول حالىق تابىسىنىڭ قۇرىلىمىندا ەڭبەك ەتۋدەن تٷسەتٸن كٸرٸستەردٸڭ تٶمەندەۋٸ جەنە ەلەۋمەتتٸك ترانسفەرتتەردەن كٸرٸستەردٸڭ ٶسۋٸ بايقالاتىندىعىن ايتادى.
«حالىقتىڭ ەڭبەك ەتۋدەن تٷسەتٸن تابىسىنىڭ ٷلەسٸ سوڭعى 10 جىلدا 10,8 پايىزدىق تارماققا تٶمەندەدٸ. ٶز كەزەگٸندە, ەلەۋمەتتٸك ترانسفەرتتەردٸڭ ٷلەسٸ كەرٸسٸنشە, 10 پايىزدىق تارماققا ٶستٸ.
جٷرگٸزٸلگەن تالداۋدى ەسكەرە وتىرىپ, حالىقتىڭ تابىسىن ارتتىرۋ باعدارلاماسىندا مىنا باسىمدىقتار بەلگٸلەندٸ:
- جۇمىسشى جاستار;
- حالىقتىڭ ەلەۋمەتتٸك وسال توپتارىنىڭ جەكەلەگەن ساناتتارىن جۇمىسقا ورنالاستىرۋ; - بيۋدجەت جۇمىسكەرلەرٸنە لايىقتى جالاقى;
- ەڭبەك كٸرٸسٸندەگٸ تەڭگەرٸمسٸزدٸكتەردٸ جويۋ;
- اۋىل شارۋاشىلىعىندا, ٶڭدەۋ ٶنەركەسٸبٸندە تيٸمدٸ جۇمىسپەن قامتۋدى دامىتۋدى ىنتالاندىرۋ;
- كەسٸپكەرلٸك كٸرٸستٸڭ ٶسۋٸن ىنتالاندىرۋ;
- تابىستىڭ ساتىپ الۋ قابٸلەتٸن قورعاۋ», - دەدٸ ول.
مينيستردٸڭ اتاپ ٶتۋٸنشە, ٷكٸمەتتٸڭ بٷكٸل ەكونوميكالىق ساياساتىنىڭ جالپى ماقساتى حالىق تابىسىن ارتتىرۋ بولعاندىقتان, باعدارلاما ۇلتتىق جوبالارمەن ٶزارا بايلانىستى. باعدارلاما اياسىنداعى ٸس-شارالاردى شارتتى تٷردە تٸكەلەي جەنە جاناما دەپ بٶلۋگە بولادى. تٸكەلەي ٸس-شارالار بيۋدجەت جۇمىسكەرلەرٸنٸڭ جالاقىسىن كٶتەرۋگە جەنە كٸرٸستەردەگٸ تەڭگەرٸمسٸزدٸكتٸ تەڭەستٸرۋگە, ال جاناما ٸس-شارالار حالىقتى جۇمىسپەن قامتۋعا جەردەمدەسۋ, كەسٸپتٸك دايارلاۋ (قايتا دايارلاۋ), ٶڭدەۋشٸ كەسٸپورىنداردىڭ ٶنٸمدٸلٸگٸن ارتتىرۋ جەنە كەسٸپكەرلٸكتٸ دامىتۋ ارقىلى تابىستىڭ ٶسۋ مٷمكٸندٸكتەرٸن كەڭەيتۋگە باعىتتالعان.
«باعدارلاما 80 ٸس-شارادان تۇرادى. ولار مىناداي نەگٸزگٸ باعىتتارعا بٶلٸنگەن: حالىقتىڭ ەڭبەك تابىسىنىڭ ارتۋى; كەڭ اۋقىمدى جۇمىسپەن قامتۋدى دامىتۋ ارقىلى حالىقتىڭ تابىسىن ارتتىرۋ; ساتىپ الۋ قابٸلەتٸن قورعاۋ», - دەدٸ ەلٸبەك قۋانتىروۆ.
