21 ماۋسىم مەن 5 شٸلدە كٷندەرٸ قازاقستاننىڭ بارلىق مەكتەپتەرٸندە ۇلتتىق بٸرىڭعاي تەستٸلەۋ ٶتەدٸ, دەپ حابارلايدى قازاقپارات.
بيىلعى تەستٸلەۋدٸڭ ەرەكشەلٸگٸ - سانيتارلىق تالاپتاردىڭ كٷشەيتٸلۋٸ بولماق. عيماراتقا كٸرەردە تەست تاپسىرۋشىلار اراسىندا ەكٸ مەترلٸك اراقاشىقتىقتى قاتاڭ ساقتاۋ مەن ماسكالى رەجيم جٷزەگە اسىرىلادى. تالاپكەرلەر دەزينفەكتسييالاۋدىڭ 5 تٷرلٸ كەزەڭٸنەن ٶتەدٸ. ۇبت ٶتكٸزٸلەتٸن بارلىق ورىندار تەپلوۆيزورمەن, دەزينفەكتسييالىق توننەلمەن, اياق كيٸمدٸ زارارسىزداندىرۋعا ارنالعان كٸلەمشەمەن, مەديتسينالىق بەكەتپەن, سانيتايزەرمەن جەنە قورعانىس ماسكالارىمەن قامتاماسىز ەتٸلەدٸ.
بيىلعى تەستٸلەۋگە قاتىسۋعا رەكوردتىق كٶلەمدە - 131 755 ٶتٸنٸش قابىلدانعان.
العاشقى كٷنٸ ۇبت-نى 6 512 مىڭ ادام تاپسىرادى. بٸر اۋديتورييادا ورتا ەسەپپەن 18 ادام عانا بولادى. وسىلايشا, اۋديتورييا تەك 35% دەيٸن تولتىرىلادى. ۇبت تاپسىرۋ ٷشٸن تٷلەكتەردەن پتر-تەستٸلەۋدەن ٶتكەنٸ تۋرالى ەش انىقتاما تالاپ ەتٸلمەيدٸ. تالاپكەرلەر تەك ماسكا تاعىپ كەلۋٸ تيٸس.
سونىمەن بٸرگە, ۇبت ٶتكٸزەتٸن ەر پۋنكتتە كەزەكشٸ اۋديتورييا بولادى. كوروناۆيرۋس ينفەكتسيياسىن جۇقتىرعان بالالار سول كابينەتتە, جالپى اۋديتورييادان بٶلەك تەست تاپسىرا الادى.
جالپى, ۇلتتىق بٸرىڭعاي تەستٸلەۋدٸ ٶتكٸزۋ تەرتٸبٸ بۇرىنعى فورماتتا قالدى. بۇدان بىلاي تالاپكەرلەرگە كالكۋلياتور بەرٸلەتٸن بولادى. سونىمەن قاتار تەستٸلەۋ ۋاقىتى دا بٸرشاما ۇزارتىلدى. اتا-انالار مەن تٷلەكتەردٸڭ سۇراۋىمەن تەستٸلەۋ ۋاقىتى تاعى 10 مينۋتقا ۇزارىپ, ۇبت 4 ساعات ٶتەتٸن بولدى. عيماراتقا كٸرگٸزۋ بارىسىندا جەنە اۋديتورييادا تىيىم سالىنعان زاتپەن ۇستالعان تٷلەك تەستٸلەۋگە جٸبەرٸلمەيدٸ جەنە بيىل ۇبت تاپسىرۋ مٷمكٸندٸگٸنەن ايرىلادى.
كارانتين شارالارىنا بايلانىستى تاعى بٸر ەسكەرەر جايت, اتا-انالارعا جەنە تٷلەكتەردٸ الىپ جٷرۋشٸ باسقا ادامدارعا بالالاردى ۇبت ٶتكٸزۋ پۋنكتتەرٸندە كٷتۋگە تىيىم سالىنادى. اتا-انالار ۇبت ٶتۋ بارىسىن ٷيٸندە وتىرىپ, ونلاين كٶرە الادى. بۇل ٷشٸن ەربٸر اۋديتورييادان ترانسلياتسييا قامتاماسىز ەتٸلەدٸ. تەست تاپسىرۋ ٶتەتٸن عيمارات اۋماعىن قۇقىق قورعاۋ ورگاندارى كٷزەتەدٸ. وسى ورايدا, ونلاين كٶرسەتٸلٸم سٸلتەمەلەرٸ مەن رەسۋرستار ۇلتتىق تەستٸلەۋ ورتالىعىنىڭ سايتىندا ەرٸ ەلەۋمەتتٸك جەلٸلەردە جارييالاناتىنا ۋەدە ەتٸلگەن بولاتىن.
بارلىق بەينەجازبالارعا 25 تامىزعا دەيٸن تالداۋ جٷرگٸزٸلەدٸ. ۇبت ٶتكٸزۋ قاعيدالارىنىڭ بۇزىلۋى انىقتالعان جاعدايدا, ياعني كٶشٸرۋ نەمەسە باسقا دا ەرەكەتتەر بايقالسا, تەستٸلەۋ نەتيجەلەرٸ جويىلادى. سونىمەن قاتار, بٸلٸم بەرۋ گرانتىن تاعايىنداۋ كونكۋرسىنىڭ نەتيجەلەرٸ دە جويىلۋى مٷمكٸن.
ۇبت-دان كەيٸن بٸلٸم گرانتىن تاعايىنداۋ كونكۋرسىنا قاتىسۋ ٷشٸن نەمەسە اقىلى نەگٸزدە بٸلٸم الۋ باعىتىندا ۇلتتىق جوعارى وقۋ ورىندارىنا كەمٸندە 65 بالل, ال باسقا جوعارى نەمەسە جوعارى وقۋ ورنىنان كەيٸنگٸ بٸلٸم ۇيىمدارىنا كەمٸندە 50 بالل جيناۋ كەرەك.
وعان قوسا, «اۋىل شارۋاشىلىعى جەنە بيورەسۋرستار», «ۆەتەرينارييا» بٸلٸم سالالارى بويىنشا كەمٸندە 60 بالل, «پەداگوگيكا عىلىمدارى» سالاسى بويىنشا كەمٸندە 70 بالل بولۋى تيٸس. ال «دەنساۋلىق ساقتاۋ جەنە ەلەۋمەتتٸك قامتاماسىز ەتۋ (مەديتسينا)» سالاسىنا كەم دەگەندە 65 بالل قاجەت.
