فوتو: اشىق دەرەككٶز
قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ باسقارما تٶراعاسى – رەكتورى بەيبٸتكٷل كەرٸموۆا قىزىلوردادا ٶتكەن ۇلتتىق قۇرىلتايدىڭ بەسٸنشٸ وتىرىسىنا قاتىستى پٸكٸر بٸلدٸردٸ, دەپ حابارلايدى Ult.kz.
"قىزىلوردادا ٶتكەن ۇلتتىق قۇرىلتايدىڭ بەسٸنشٸ وتىرىسى – ەل دامۋىنىڭ جاڭا كەزەڭٸنە باستار تاعدىرلى سەتتەردٸڭ بٸرٸ بولدى. مەملەكەت باسشىسى قاسىم-جومارت توقاەۆتىڭ باستاماسىمەن قايتا جاڭعىرعان بۇل جالپىۇلتتىق ديالوگ الاڭى قىسقا ۋاقىت ٸشٸندە ەل تاعدىرىن ايقىندايتىن ستراتەگييالىق شەشٸمدەر قابىلداناتىن, قوعام مەن مەملەكەتتٸڭ شىنايى سۇحباتى ورنىققان ماڭىزدى ينستيتۋتقا اينالدى.
ەلدٸك مەنٸ بار مەسەلەلەردٸڭ دەل سىر بويىندا تالقىلانۋى – شاھارىمىزدىڭ تاريحتاعى, رۋحانيياتتاعى جەنە قازٸرگٸ ەلەۋمەتتٸك-ەكونوميكالىق دامۋىنداعى ەرەكشە ورنىنا بەرٸلگەن جوعارى باعا. بۇل – ٶڭٸرگە كٶرسەتٸلگەن سەنٸم عانا ەمەس, ەل بولاشاعىن بٸرگە ايقىنداۋعا شاقىرعان جاۋاپكەرشٸلٸك.
مەملەكەت باسشىسىنىڭ 2025 جىلعى 30 قازانداعى جۇمىس ساپارى قىزىلوردانىڭ دامۋى سٶز جٷزٸندە ەمەس, ناقتى ٸستەرمەن دەلەلدەنٸپ كەلە جاتقانىن كٶرسەتتٸ: ينفراقۇرىلىم جاڭارىپ, بٸلٸم مەن مەدەنيەتكە سەرپٸن بەرٸلٸپ, ادامي كاپيتالدى دامىتۋعا باعىتتالعان جٷيەلٸ ساياسات بەرٸك جولعا قويىلدى.
ۇلتتىق قۇرىلتايدىڭ وتىرىسىندا كٶتەرٸلگەن ينستيتۋتسيونالدىق رەفورمالاردى ەلدٸڭ ساياسي مەدەنيەتٸن جاڭا ساپالىق دەڭگەيگە كٶتەرۋگە باعىتتالعان ماڭىزدى ەرٸ ۋاقىت تالابىنا ساي قادامدار دەپ باعالايمىز. جاڭا پارلامەنتتٸڭ ٶكٸلەتتٸكتەرٸن ناقتىلاۋ, پرەزيدەنت ەكٸمشٸلٸگٸن جاڭعىرتۋ, اپپاراتتىق قۇرىلىمداردى وڭتايلاندىرۋ جەنە ۆيتسە-پرەزيدەنت ينستيتۋتىن ەنگٸزۋ جٶنٸندەگٸ باستامالار بيلٸك تارماقتارى اراسىنداعى جاۋاپكەرشٸلٸك پەن باسقارۋ تيٸمدٸلٸگٸن ارتتىرۋعا نەگٸزدەلگەن سالماقتى شەشٸمدەر ەكەنٸ انىق. بۇل باستامالار «كٷشتٸ ينستيتۋتتار – جاۋاپتى مەملەكەت» قاعيداتىنىڭ ناقتى ٸس جٷزٸندەگٸ كٶرٸنٸسٸ بولىپ تابىلادى.
سونداي-اق قۇرىلتايدا كٶتەرٸلگەن تسيفرلاندىرۋ مەن جاساندى ينتەللەكت مەسەلەلەرٸ بٸلٸم بەرۋ جٷيەسٸنە تٸكەلەي قاتىستى. قازٸرگٸ ۋنيۆەرسيتەت تەك بٸلٸم تاراتۋشى ەمەس, تەحنولوگييالىق ٶزگەرٸستەردٸڭ قوزعاۋشى كٷشٸ بولۋى قاجەت. وسى تۇرعىدا مەملەكەت باسشىسىنىڭ تسيفرلىق ترانسفورماتسيياعا بەلسەندٸ قاتىسۋ تۋرالى ۇستانىمى جوعارى بٸلٸم بەرۋ سالاسىنىڭ دامۋ باعىتىمەن تولىق ٷندەسەدٸ.
قوعامدىق كەلٸسٸمدٸ نىعايتۋ ماقساتىندا قازاقستاننىڭ حالىق كەڭەسٸن قۇرۋ باستاماسى دا – ازاماتتىق قوعامنىڭ رٶلٸن ارتتىرۋعا باعىتتالعان ماڭىزدى قادام. كەڭ ٶكٸلدٸلٸككە نەگٸزدەلگەن بۇل الاڭ حالىقتىڭ ەرتٷرلٸ توپتارىنىڭ پٸكٸرٸن ەسكەرۋگە مٷمكٸندٸك بەرەدٸ دەپ سەنەمٸن.
ۇلتتىق قۇرىلتاي ەل دامۋىنىڭ جاڭا ساپالىق كەزەڭٸنە جول اشقان, ساياسي رەفورمالار, ادامي كاپيتال جەنە ورنىقتى دامۋ مەسەلەلەرٸ توعىسقان ماڭىزدى ۇلتتىق الاڭ ەكەنٸن تاعى بٸر مەرتە دەلەلدەدٸ. مۇنداي فورماتتاعى اشىق ديالوگ قوعامنىڭ مەملەكەتكە دەگەن سەنٸمٸن ارتتىرىپ, بولاشاققا باعىتتالعان ورتاق جاۋاپكەرشٸلٸكتٸ كٷشەيتەدٸ", - دەپ پٸكٸر بٸلدٸردٸ رەكتور.
