قازاقستان رەسپۋبليكاسى پرەزيدەنتتٸگٸنە كانديدات سالتانات تۇرسىنبەكوۆا قازاقستانداعى انا مەن بالا ٶلٸمٸ تاقىرىبىنا ارنالعان جيىن ٶتكٸزدٸ. جيىن اتىراۋ قالاسىندا ۇيىمداستىرىلدى, دەپ حابارلايدى ٷمٸتكەر شتابىنىڭ باسپاسٶز قىزمەتٸ.
«انا مەن بالا ٶلٸمٸنٸڭ دەڭگەيٸ – ەل مەديتسيناسىنىڭ دامۋىن سيپاتتايتىن ماڭىزدى كٶرسەتكٸشتەردٸڭ بٸرٸ. بۇل كٶرسەتكٸشتەر مەملەكەتتەگٸ ٶمٸر سٷرۋ دەڭگەيٸ تۋرالى دا ايتادى, سودان كەيٸن ول حالىقارالىق رەيتينگتەردە دە كٶرسەتٸلەدٸ. قازاقستاندا بۇل كٶرسەتكٸشتەر بۇرىننان ٶسٸپ كەلە جاتقانىمەن, سوڭعى ۋاقىتتا اسقان جىلدامدىقپەن ٶسە باستادى. بٸز ەربٸر ەيەل مەن سەبي ٷشٸن كٷرەسۋٸمٸز كەرەك», - دەدٸ تۇرسىنبەكوۆا.
كانديدات ranking.kz دەرەكتەرٸنە سٸلتەمە جاساي وتىرىپ, بٸرنەشە تسيفرلاردى العا تارتتى.
ۇلتتىق جوسپارعا سەيكەس, انا ٶلٸمٸ 2021 جىلى 100 مىڭ تٸرٸ تۋعانعا شاققاندا 35-تەن تٶمەن بولىپ, 2025 جىلعا قاراي 10-عا دەيٸن تٶمەندەۋٸ كەرەك. ال, ٸس جٷزٸندە 2021 جىلى بۇل كٶرسەتكٸش 44,7 بولدى. اتىراۋ وبلىسىندا انا ٶلٸمٸنٸڭ ناقتى كٶرسەتكٸشٸ كٷتٸلگەننەن ٷش ەسەگە جوعارى بولدى.
«سوڭعى ۋاقىتتا بالالار ٶلٸمٸ بويىنشا نەتيجەلەر دە كٶڭٸل كٶنشٸتپەيدٸ. جىل سوڭىنا دەيٸن قازاقستاندا نەرەستە ٶلٸمٸ 1000 تٸرٸ تۋعانعا شاققاندا 7,6-عا دەيٸن تٶمەندەۋٸ كەرەك ەدٸ. الايدا, كٶرسەتكٸش كەرٸسٸنشە رەسپۋبليكا بويىنشا ورتا ەسەپپەن 8,44-كە دەيٸن ٶستٸ», - دەدٸ سپيكەر.
نەرەستە ٶلٸمٸنٸڭ جيٸ كەزدەسەتٸن سەبەپتەرٸ پەريناتالدىق كەزەڭدە تۋىندايتىن جاعدايلار (932 نەرەستە), تۋا بٸتكەن اۋىتقۋلار جيٸ كەزدەسەدٸ (335 نەرەستە), سونداي-اق ينفەكتسييالىق جەنە پارازيتتٸك اۋرۋلاردىڭ دا ەسەرٸ بولادى (72 نەرەستە).
«انا مەن بالا ٶلٸمٸنٸڭ الدىن الۋعا باسا نازار اۋدارىلۋدا. ول ٷشٸن قوعامدىق ۇيىمدارمەن, عالىمدارمەن, ساراپشىلارمەن جاڭا شەشٸمدەردٸ تالقىلاۋ ماڭىزدى. شالعاي ەلدٸ مەكەندەردە ەڭبەك ەتەتٸن ەيەلدەر ٷشٸن قولايلى جاعداي جاسايتىن تيٸمدٸ ينفراقۇرىلىمدى قۇرۋ قاجەت. فەلدشەرلٸك-اكۋشەرلٸك پۋنكتەر مەن دەرٸگەرلٸك امبۋلاتورييالارداعى مەديتسينالىق كادرلاردىڭ تاپشىلىعى مەسەلەسٸن شەشۋ, وسى سالالارداعى مەديتسينالىق جوعارى وقۋ ورىندارىنان مامانداردى كٶپتەپ شىعارۋ – بٷگٸنگٸ كٷننٸڭ تالابى. مۇنداي پروفيلدەگٸ دەرٸگەرلەردٸ جاقسى ىنتالاندىرىپ وتىرۋ كەرەك», - دەپ اتاپ ٶتتٸ قۇقىق قورعاۋشى.
ەسكە سالايىق, سالتانات تۇرسىنبەكوۆانىڭ ەلٸمٸزدٸڭ باتىسىندا ٷگٸت-ناسيحات جۇمىستارىمەن جٷرگەنٸنە ەكٸنشٸ كٷن بولدى. كەشە ول Yessenov ۋنيۆەرسيتەتٸنٸڭ وقىتۋشىلارىمەن, ستۋدەنتتەرٸمەن جەنە تٷلەكتەرٸمەن, سونداي-اق جالعىزباستى, ەسكەرگە شاقىرىلعانداردىڭ انالارىمەن كەزدەسۋلەر ٶتكٸزدٸ.
