ەكس-ۆيتسە-مينيستر ەلميرا سۋحانبەرديەۆاعا قاماۋدا وتىرعان كەزٸندە كٸتاپ جازعانىن ايتتى, دەپ حابارلايدى "ۇلت اقپارات".
«وسى ٶتكەن 34 كٷندە كٸتاپ جازدىم, «تٷرمە ۆيتسە-مينيستردٸڭ كٶزٸمەن» اتتى كٸتاپ جاقىن ارادا جارىققا شىعادى. وندا ەيەلدەردٸڭ اباقتىداعى جاعدايى باياندالادى. كٸتاپتا كٶپتەگەن پٸكٸرلەر قامتىلادى, وقىرمان قاۋىمعا قىزىقتى بولادى دەپ ويلايمىن. وندا تەك ٶزٸم جايلى اۆتوبيوگرافييا عانا ەمەس, سونىمەن قاتار جالپى مەسەلەلەر جازىلادى», - دەدٸ بۇرىنعى ۆيتسە-مينيستر.
ونىڭ سٶزٸنە قاراعاندا, اتالعان كٸتاپ تولىعىمەن جازىلىپ شىقتى, ەندٸ شامالى تٷزەتۋلەر ەنگٸزۋ قاجەت. وسى ورايدا كٸتاپتى جارىققا شىعارۋعا نيەتتٸ باسپالار بايلانىسقا شىققان.
«بۇل تۇرعىدا كەيٸنٸرەك باسپاسٶز مەسليحاتىن ٶتكٸزەمٸن. سٸزدەرگە بۇل كٸتاپتى سىيعا تارتامىن», - دەدٸ ە. سۋحانبەرديەۆا تٸلشٸلەرگە قاراتا ايتقان سٶزٸندە.
ايتا كەتەيٸك, بٷگٸن ەلوردادا قر بٸلٸم جەنە عىلىم ۆيتسە-مينيسترٸ بولعان ەلميرا سۋحانبەرديەۆاعا قاتىستى سوت ٷكٸمٸ شىقتى.
وعان 2500 اەك كٶلەمٸندە ايىپپۇل تاعايىنداۋ شەشٸمٸ شىعارىلدى. جالپى, ول 6 312 500 تەڭگە تەڭگە تٶلەۋگە مٸندەتتەلدٸ. سونىمەن قاتار, ٶمٸر بويىنا مەملەكەتتٸك قىزمەتتە, سوتتا, ۇلتتىق بانكتە, جەرگٸلٸكتٸ ٶزٸن-ٶزٸ باسقارۋ ورگاندارىندا جەنە مەملەكەت ٷلەسٸ 50% اساتىن ٶزگە دە مەملەكەتتٸك ورگانداردا - ۇلتتىق حولدينگتەر, ۇلتتىق دامۋ ينستيتۋتتارىندا جۇمىس ٸستەۋ قۇقىعىنان ايىرىلدى.
بۇدان بۇرىن حابارلانعانداي, ەلميرا سۋحانبەرديەۆا سىبايلاس جەمقورلىق كٷدٸگٸمەن ۇستالدى جەنە 2 ايعا قاماۋعا الىندى.
9 شٸلدە كٷنٸ سوت وتىرىسى ٶتٸپ, ول ٶز كٸنەسٸن مويىندادى.
