حەلسينكيدە رەسەي پرەزيدەنتٸ ۆلاديمير پۋتينمەن كەزدەسۋگە بٸرنەشە ساعات قالعاندا اقش پرەزيدەنتٸ دونالد ترامپ Twitter پاراقشاسىندا: "اقش پەن رەسەيدٸڭ قارىم-قاتىناسى ەشقاشان تاپ قازٸرگٸدەي ناشار بولعان ەمەس جەنە بۇعان اقش-تىڭ ۇزاق جىلدان بەرگٸ اقىماقتىعى كٸنەلٸ" دەگەن جازبا جارييالادى.
ترامپ ٶزٸ "جالماۋىزدىڭ ٸزٸن كەسۋ" دەپ اتايتىن, رەسەيدٸڭ 2016 جىلى اقش پرەزيدەنتٸ سايلاۋىنا ىقتيمال ارالاسۋىن تەرگەۋ ٸسٸن ەسكە سالىپ, سول كەزدەگٸ پرەزيدەنت باراك وبامانىڭ "ارالاسۋعا" ەشبٸر رەاكتسييا تانىتپاعانىن, ال ٶزٸن قارسىلاستارى رەسەيمەن "كەلٸسٸمگە كەلدٸ" دەپ ايىپتاۋعا كٶشكەنٸن ايتتى.
13 شٸلدە اقش رەسەيدٸڭ باس بارلاۋ باسقارماسىنىڭ 12 قىزمەتكەرٸنە ايىپ تاققان سوڭ بٸرنەشە امەريكالىق سەناتور ترامپقا پۋتينمەن كەزدەسۋدەن باس تارتۋدى, يا كەزدەسۋ تاقىرىبىن "رەسەيدٸڭ سايلاۋعا ارالاسۋىنا ارناۋدى" ۇسىنعان.
حەلسينكيدە ترامپتىڭ جانىندا جٷرگەن اقش-تىڭ مەملەكەتتٸك حاتشىسى مايك پومپەو تۋيتتەرٸندە "رەسەيمەن قارىم-قاتىناستى جاقسارتۋ بەرٸنە پايدالى بولادى, بٸراق قازٸر دوپ رەسەي تارابىندا" دەپ جازعان.
16 شٸلدە تاڭەرتەڭ ترامپ فينلياندييا پرەزيدەنتٸ ساۋلي نيينيستەمەن كەزدەستٸ. اق ٷيدٸڭ اقپاراتىنشا, ترامپ پەن پۋتين جەرگٸلٸكتٸ ۋاقىت بويىنشا 13.20-دا (قازاقستان ۋاقىتىمەن 16.20 – رەد.) كەزدەسەدٸ. ەكٸ ەل پرەزيدەنتٸ بٸر جارىم ساعات بويى وڭاشا سٶيلەسەدٸ, كەيٸن ولارعا دەلەگاتسييا ٶكٸلدەرٸ قوسىلادى. قازاقستان ۋاقىتىمەن 19.50-دە بٸرٸككەن كونفەرەنتسييا باستالادى.
ەكٸ ٸرٸ يادرولىق دەرجاۆا پرەزيدەنتتەرٸنٸڭ كەزدەسۋدە نە تالقىلايتىنى الدىن الا ايتىلماۋى – العاش رەت بولىپ تۇرعان جاعداي. بٸرنەشە كٷن بۇرىن باسىلىمدار ترامپ پەن پۋتين ۋكراينا باتىسىنداعى جاعداي مەن رەسەي اننەكتسييالاپ العان قىرىم جايلى سٶيلەسەتٸنٸن جازعان. يادرولىق قارۋسىزداندىرۋ مەن يادرولىق قارۋدى تاراتپاۋ تۋرالى دا ەڭگٸمە بولاتىنى ايتىلدى.
ترامپ رەسەيدٸڭ اقش-تاعى سايلاۋعا ىقتيمال ارالاسۋى جايلى سٶيلەسەتٸنٸن راستادى.
